Categories

اعلان

Loading…

یوه پولیس په زابل ولایت کې خپل ۸ ملګري ووژل

تاند- د زابل امنیتي چارواکو نن /پنجشنبه/ وویل، چې یوه پولیس په خپله پوسته کې ۸ ملګري پولیس ووژل.

د زابل مرستیال امنیه قوماندان غلام جیلاني فراهي وویل چې دا پېښه نن ماسپښین ۳ بجې د ولایت په مرکز کلات کې وشوه او عامل یې تښتېدلی دی.

ده ونه ویل چې غدار پولیس د وسله والو طالبانو ملګری و او که له خپلو ملګرو سره یې لانجه کړې وه.

خو د وسله والو طالبانو یوه ویندوی قاري یوسف احمدي وویل چې په دې پېښه کې طالبانو لاس درلود.

له دې جلا د اروزګان ولایت په دهراوت ولسوالي کې دوه پولیس د خپل یوه ملګري پولیس له لوري ووژل شول.

د دهراوت د پولیسو قوماندان شاه محمد وویل چې دا پېښه د پولیسو ترمنځ د لانجې په نتیجه کې شوې ده.

روانه میاشت د کندهار په هوايي ډګر کې دوه بهرني پوځیان د افغان امنیتي ځواکونو له لوري ووژل شول. داوړه وژل شوي بهرنیان د رومانیا خاص پوځیان ول.

24 total views, 1 views today

Leave a Reply

Your email address will not be published. Required fields are marked *