Categories

اعلان

Loading…

د حزب اسلامي په چوکاټ کې له طالبانو سره سوله

ذبیح الله خورشیدی –

له حزب اسلامي سره د سولې او پخلاینې خبرې تر دې مهاله ځکه بریالۍ دي چې حکومت او حزب دواړو ګذشت کړی او داسې سخت شرایط یې نه د ي ایښي چې هغه دې د خبرو لړۍ ته زیان ورسوي.

اوس د دواړو لورو ترمنځ خبرې په ورستي پړاو کې دي او تمه کېږي چې په لڼدو ورځو کې به د حزب اسلامي امیر ښاغلی انجینر ګلبدین حکمتیار کابل ته راشي او دا به په تېرو څو کلونو کې افغانانو ته د خوښۍ په زړه پورې خبر او ملي یوالي حکومت ته تاریخي لاس ته راوړنه وي.

له دې سره باور او هیله شته چې طالبان به هم وهڅیږي مخامخ په خپلواک ډول لکه څنګه چې حزب اسلامي خبرې پیل کړي ، دوی هم په یوداسې بهیر کې شامل شي چې امتیازات به یې ونه وېشل شي.

له بده مرغه چې بې باورۍ تل د حکومت او طالبانو ترمنځ خبرې ناکامه کړي او دا باور بیا هغه وخت لا زیانمن شوی چې طالبانو په تاوتریخوالي لاس پورې کړی او په اساسو شېبو کې یې خونړي بریدونه کړي چې د حکومت سربېره د خلکو زړونه یې هم دردولي دي.

له دې ور اخوا د خبرو په منځ کې د شرطونو وړاندې کول او پر هغو کلک ټینګار یو بل ستر لامل دی چې خبرې پرې ټکنۍ شوي او پایله یې ناکامه ختلې او شرطونو ایښودل  دواړه لورو ته سرې کرښې ښکاري .

اوس د دې لپاره چې تاوتریخوالی کم شي حکومت باید د هغو لارو چارو ګټه واخلي لکه څرنګه یې  چې حزب اسلامي سره خبرې اترې روانې کړې دي، او له نېکه مرغه تر دې دمه یې نتیجه ښه ده.

څلور هېوادیزو غونډو خو هم هغه ډول پایله ور نه کړه لکه څرنګه چې ترې تمه کېده او هیلې ورته خورا زیاتې وې، اوس چې کومه بله غونډه په اسلام اباد کې د سفیرانو په کچه جوړه شوې د تېرو هغو په څېر به وي، چې په کابل او اسلام اباد کې جوړې شوې او پایلې ناکامه وې.

کابل ته دا ډول غونډې د وخت ضایع ده، خو پکار ده چې په نورو بدیلو لارو فکر وشي او پاکستان له لارې سولې ته په تمه نه شي او په دې برخه کې د حکومت تازه دریځ بدلون ونه کړي دا به یو ښه سیاست وي.

اوس تر څو چې طالبان او افغان حکومت په خبرو کې نرمښت ونه لري او په دې اساسو شېبو کې یو بل ته تېر نه شي فکر کوم د سولې په نوم هر ډول خبرې چې هر چېرته وي پایلې به یې ناکامه او د وخت لویه ضایع وي.

د یو سوکاله او پرمختللي لوی افغانستان په هیله

218 total views, 2 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2