Categories

اعلان

Loading…

د علومو اکاډیمي پښتو او دري قاموسونه او دایرة المعارف خپروي

تاند- د افغانستان د علومو اکاډیمي په پښتو او دري ژبو د اریانا په نوم قاموسونه او دغه راز اریانا دایرة المعارف چاپوي.

د افغانستان د علومو اکاډیمۍ او د اطلاعاتو او کلتور وزارت ترمنځ نن /شنبه/ د یوې موافقې له لاسلیکېدو وروسته د علومو اکاډیمۍ رييسې ثریا پوپل وویل چې اکاډیمي د پښتو او دري د معیاري لیکدود او املا د دودولو لپاره پر بېلابېلو قاموسونو کار کوي او دا قاموسونه به ژر د اطلاعاتو او کلتور د وزارت له لوري خپاره شي.

دې همداراز وویل چې د اریانا قاموسونه به له بشپړېدو وروسته نه یوازې چاپ شي بلکې د انترنیټ له لارې به هم خپاره شي.

اغلې پوپل یادونه وکړه چې د پښتو او دري ژبو د واحد لیکدود او املا لپاره هم د علومو اکاډیمۍ مټې رانغښتي دي.

دې د اریانا دایرة المعارف په اړه وویل چې دوهم پړاو یې بشپړ شوی او هڅه کوي چې دا دایرة المعارف د انترنیټ له لارې خپور کړي.

په همدې حال کې د اطلاعاتو او کلتور وزیر عبدالباري جهاني وویل چې د افغانستان ژبې د بهرنیو ژبو له کلتوري یرغل سره مخامخ شوي خو وزارت به یې د علومو له اکاډیمۍ سره یوځای د دغه اغېز او یرغل د مخنیوي لپاره هلې ځلې وکړي.

ښاغلي جهاني همداراز وویل چې د اطلاعاتو او کلتور وزارت د علمي، کلتوري او سیاسي موضوعاتو د خپراوي دنده لري او اکاډیمي باید په دې برخه کې رول ولوبوي.

17 total views, 2 views today

1 comment

  1. Dr.HamidUllah Zrrlver Sapfi (A. T. Be.) Reply

    سلامونه؛
    ډیر ښه او پر ځای او وخت اقدام دی.پر انټرنیټ به یی په انتظار کې یوو.
    د دې تر څنګه که د اغیارو پردۍپالې رسنۍ چې د ملي ترمینالوژۍ سره خیانتونه کوي، کوړکوړ افغانستان کې کوي او هګئ فارسستان، پنجابستان، ا.د.ن. کې اچوي په یوهء ملي افغاني چینل سره خنثی سي ، ډیره به شه سي.په درنښت .

Leave a Reply

Your email address will not be published. Required fields are marked *