Categories

اعلان

Loading…

د حکومت او یوې مخالفې وسله والې ډلې موافقه سبا لاسلیک کېږي

تاند- د افغانستان حکومت به ډېر ژر کې له یوې مخالفې وسله والې ډلې سره د سولې په باب جوړجاړی نهايي کړي او د افغانستان د ۱۵ کلنې جګړې د پای ته رسولو لور ته به یو ګام واخلي.

دا خبره اسوشیتید پریس خبري اژانس نن /شنبه/ د افغانستان د حکومت او د یوې وسله والې مخالفې ډلې د استازو په قول وکړه.

د کابل د سولې د عالي شورا مرستیال عطاالرحمن سلیم اسوشیتید پریس خبري اژانس ته ویلي چې د حکمتیار له اسلامي حزب سره د سولې معاهده به سبا /یکشنبه/ نهايی شي.

د حزب اسلامي سرمرکچي امین کریم هم هیله ښکاره کړه چې ولسمشر محمد اشرف غني سبا د موافقې وروستۍ بڼه تصویب او لاسیلیک کړي.

اسوشیتید پریس خبري اژانس وايي چې دا جوړجاړی د ولسمشر غني لپاره، چې هڅه کوي د وسله والو طالبانو له ډلو سره هم روغه جوړه وکړي، زیات اهمیت لري.

که څه هم د حکمتیار اسلامي حزب په جګړه کې زیات اغېزمن رول نه لري خو له ده سره د حکومت موافقه له طالبانو سره د روغې جوړې په برخه کې د اعتماد فضا رامنځته کولی شي.

ټاکل شوې ده چې حکمتیار ژر کابل ته راشي.

پرون نیویارک ټایمز په یوه راپور کې ویلي و چې د افغانستان حکومت د حکمتیار لپاره د کور او دفترونو بندوبست کړی دی.

21 total views, 1 views today

4 comments

  1. babrak Reply

    هر هغ څوک چی سوله غواړي کور یی اباد

  2. اسماعيل Reply

    دا خو غوره او نيك ګام دى الله د يى بريالى كړى

  3. Zahir Reply

    Will be one of the best thing ever for all Afghans.May Allah sw guide us all.

  4. qasem Reply

    دا به دسولي راوستلو په اړه لمړنۍ او مهمه ګام وی!

Leave a Reply to Zahir Cancel reply

Your email address will not be published. Required fields are marked *