Categories

اعلان

Loading…

امنیتي ځواکونه وايي په کابل کې یې د حقاني شبکې حمله ناکامه کړې

تاند- د ملي امنیت ځواکونو په پلازمېنه کابل کې د حقاني شبکې ۳ غړي نیولي او وايي چې په دې توګه یې د یوې ډله ییزې حملې مخه نیولې ده.

د ملي امینت ریاست دا خبره نن /چهارشنبه/ په داسي حال کې وکړه چې په کابل کې د امریکا سفارت نن په دغه ښار کې خپلو اتباعو ته خبرداری ورکړ او له هغو یې وغوښتل چې د ځان ساتنې ته پام زیات کړي.

د امریکا سفارت ویلي چې په کابل کې د تروریستی حملو امکان ویني.

تر دې وړاندې د کابل د لسمې حوزې قوماندان هم د احتمالي انتحاري حملې او د بهرنیو مېلمنو د برمته کېدو خبرداری ورکړی و.

د  افغانستان د ملي امنیت ریاست په خبرپاڼه کې ویل شوي چې د حقاني شبکې ۳ غړي یې په ښار کې د یوې تروریستي حملې د پلان په تړاو نیولي دي.

د دغه ریاست په ادعا نیول شویو کسانو د ښار په مزدحمو سیمو کې د حملو د پلانولو او همږغولو هڅه کوله.

دا ریاست وايي چې له نیولو شویو کسانو سره چاودېدونکي مواد، تمانچې او ۱۱ موبایل ټېلفونونه هم موندل شوي دي.

د کابل په وروستۍ ډله ییزه تروریستي حمله کې تر ۶۰ زیات ملکیان او پوځیان ووژل شول او تر ۳۰۰ زیات نور ژوبل شول.

13 total views, 1 views today

Leave a Reply

Your email address will not be published. Required fields are marked *