Categories

اعلان

Loading…

د (تیر) له افسونه وتل په کار دي/ احسان الله آرینزی

په تېرو پنځوسو کلونو کې نړۍ دومره پرمختګ کړی او هومره بدلون راغلی چې له تېرو لسو، شلو او حتی سلو پېړیو سره نه شي پرتله کېدای.

د جنوب ختیځې آسیا ځینو هېوادونو لکه جاپان، مالیزیا، چین، جنوبي کوریا، تایوان، سنګاپور او (هانکانګ) چې نه انرژي لري او نه اومه مواد، داسې حیرانونکی پرمختګ کړی چې سړي سر منځی کلنی عاید یې په منځنۍ توګه 15- 40 زرو دالرو ته رسېدلی او د نړۍ له خورا پرمختللو، هوسا، خوندي او خوشحاله هېوادونو څخه شمېرل کېږي.

د دې هېوادونو هېواد پاله، مسوولو او هوښیارو مشرانو څلور – پنځه لسیزې مخکې پرېکړه وکړه چې په انساني سکتور باندې پانګونه وکړي او داسې پیاوړي مسلکي کادرونه وروزي چې له ریګ څخه غوړي وباسي او هېوادونه د پرمختیا، پراختیا، سرلوړي او هوساینې په لور وخوځوي.

په انساني سکتور باندې (نه) پانګونه او د رښتیانیو هېوادپاله کادرونو (نه) شتون یا لږوالی، هغه ستونزې دي چې په تېرو څلورو لسیزو کې یې، افغانستان ډېر ځورولی او درانه زیانونه اړولې دي.

موږ خپل ځان، خپل تاریخ، خپل موقعیت او د سیمې او نړۍ حالات سم نه پیژنو. د مسایلو د تحلیل او ارزونې پوهه، اراده او وس نه لرو او له همدې امله په پرله پسې توګه په څاګانو کې لوېږو او لا له یوې غمیزې او بدمرغۍ څخه نه و رغېدلي چې په بله واوړو او د وینو په نوي تالاب کې لاهو شو!

ترخه تاریخي واقعیتونه وايي، هغه ولسونه چې لږ پوهېږي او په سیمه او نړۍ کې خپل دریځ سم نه ویني، هر وخت د نورو د لنډ مهاله، منځمهاله او اوږد مهالو ګټو په معاملو او جګړو کې سوځي او نه جبیره کېدونکی زیانونه ویني.

هغه وخت چې په نړۍ او په تېره بیا زموږ په سیمه کې د سړې جګړې وریځې خورې وې، افغانستان د لویو سیاستونو او تګلارو قرباني شو او د سترې پوهې او وطني فکر د کمزورتیا له امله په داسې لوبو او لومو کې ښکېل شو چې لا تراوسه یې کراره ورځ نه ده لیدلې، هره ورځ د سر او مال نوي زیانونه ګالي او د نورو د ګټو د جګړو په ډګړ بدل شوی. یو دلیل چې موږ په دې جګړو کې ښکېل پاته او د نورو د ګټو قرباني شوي یاستو د ملي فکر، ستر فکر، ملي تګلارو، ملي ګوندونو، ملي شخصیتونو، ملي زعامتونو او تفاهم نشتوالی دی چې ولس لکه بې شپونه رمه په بېدیا کې لالهانده دی او داسې ټپونه ګالو چې هر اړخیزه او بنسټیزه رغېدنه یې پېړیو ته اړتیا لري!

سړې جګړې افغانستان ته دومره زیانونه ورسول چې شرح یې (هفتاد من مثنوی) غواړي او کېدای شي چې زموږ څو راتلونکي نسلونه ورته وژاړي او خپلو پلرونو، نیکونو او مشرانو ته ښېراوي وکړي!

د (ثور د اوومې انقلاب) او د (ثور د اتمې اسلامي انقلاب) پېښو له امله د افغانستان څه باندي یو نیم ملیون نارینه، ښځې او ګلالي ماشومان وژل شوي، یونیم ملیون معیوبین او معلولین لرو، په زرګونو خلک ورک دي، په ملیونونو وږي، نهر، بېسواده، ناروغه، وزګاره او له راز – راز عقدو ډک پاته دي، درې ملیونه په نشو روږدي او په ملیونونو د وطن پرېښودو ته اړ شوي، یو شمېر واړه انسانان لا اوس هم په درواغو ویاړونو کې ډوب دي او د ثور د اوومو او اتمو د ښېګڼو په هکله بابولالی وایي. د افغانستان پېښي د نړۍ د بدلانه بنسټونه بولي او ادعا کوي چې د افغانستان په ژغورلو یې نړۍ ژغورلی! دا خلک له فکري پلوه ناروغان او په رېښتیا چې ډېر واړه دي!

د تاریخ تیوري لوی لیکوال (اچ.کار) وایي: تاریخ ولولي او هغه تېروتنې بیا مه تکراروئ چې یو ځلې یې تاسو له ناورینونو او کړاوونو سره مخامخ کړئ او وژلئ یاست!

د ثور د اوومو او اتمو ورځو یاد د دې له پاره ښه دی چې موږ د افغانستان پوخ او ډیر ملامت نسل او ځوان کهول ټول پند ترای واخلو، د احساساتو له پړاو څخه د تعقل او تفکر پړاو ته تېر شو، د افغانستان د ژغورنې له پاره مسوولانه ګامونه پورته کړو او هغه مسوولیتونه په سمه توګه سرته ورسوو چې خدای(ج) د اشرف المخلوقات او خپل خلیفه په توګه موږ ته راسپارلي دي.

موږ د افغانستان خلک باید ډېر په (تېر) کې بند پاته نه شو. دې فکر زموږ د پرمختګ او نیکمرغۍ مخه ډب کړی. موږ ته په کار دي چې سم فکر وکړو او په ګډه د یو سم انساني ژوند په لور په مخ وخوځو. د تېر له افسون څخه ځانونه وباسو. د نیکمرې د لمر وړانګې هلته لیرې ښکاري.

د ښاغلي ارینزي نورې لیکنې

314 total views, 1 views today

1 comment

  1. h.s.z. Reply

    Salamoonah;
    Aaryenzei sahb reshtya wayyi.
    Dr. sahb M.Ashraf Ghani ya`ni 2. Thinker!!, xo wayi che Malyzia, Singapoor etc. niema maat aw gooodd hevaduno pa bya raghawilo aw oseny halet ta rasevelo ki yi koshesh karrey dey; oos de d hamhagha molkunu saxa Kaarpohan aw international Ciasetdanaan raweli che Afghanistan pa bya raghawinah ki mrastah wakrri. La 2 sary aw 6 sary xamaar aw gol-mergan na xo poorah kegy na! .la 4me Ciakawiy maxnewy pakar da.
    Pa dranwiy.

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2