Categories

اعلان

Loading…

پاکستان وايي، په خپله خاوره کې د افغان طالبانو پر ضد اقدام نه کوي

تاند- پاکستان په خپله خاوره کې د افغان طالبانو پر ضد د اقدام کولو په باب د افغانستان غوښتنه رد کړه، ویې ویل چې باید د افغانستان شخړه د خبرو له لارې حل شي.

د پاکستان د بهرنیو اړیکو سلاکار سرتاج عزیز نن /سې شنبه/ په اسلام اباد کې د افغانستان د ولسمشر محمد اشرف غني دا غوښتنه رد کړه چې پاکستان دې افغان طالبان په خپله خاوره کې په پوځي اقدام وځپي.

سرتاج عزیز

سرتاج عزیز

د افغانستان ولسمشر اشرف غني دا غوښتنه وروسته له دې وکړه چې پاکستان په څلور اړخیزو مذاکراتو کې ژمنه وکړه چې افغان طالبان به د سولې خبرو ته حاضر کړي او که حاضر نه شول د هغوی پر خلاف به په خپله خاوره کې اقدام وکړي. طالبانو نه یوازې د سولې په خبرو کې ګډون په زغرده رد کړ، بلکې پسرلني عملیات یې اعلان او د هیواد د نورو سیمو ترڅنګ یې په کابل کې په یوه خونړۍ حمله کې تر ۶۰ زیات ملکیان او پوځیان ووژل او تر ۳۰۰ ډېر نور ژوبل کړل.

سرتاج عزیز پر پاکستان د افغانستان غوسه د افغانان مشرانو د نهیلۍ له کبله وبلله، ویې ویل افغان مشرانو تمه لرله چې د پخلاینې بهیر به سمدستي پیلېږي او تاوتریخوالی به کمېږي.

د پاکستان د بهرنیو اړیکو سلاکار په دې خواشیني څرګنده کړه چې طالبانو پسرلني عملیات اعلان کړل او د سولې خبرې هم پیل نه شوې.

سرتاج عزیز پخوا ویلي و چې که طالبان خبرو ته حاضر نه شول، پاکستان لږترلږه د دې ډلې مشران او کورنۍ له خپلې خاورې ایستلی شي. خو اوس چې طالبانو د سولې له خبرو انکار کړی دی، پاکستان د دې ډلې خلاف هیڅ اقدام نه کوي.

سرتاج عزیز په عین حال کې نن اعتراف وکړ چې د افغانستان د دولت وسله والو مخالفانو په جګړه کې د پام وړ پرمختګ نه دی کړی.

ده وویل:«طالبان نه دي توانېدلي چې د پام وړ پرمختګ وکړي یا کومه سیمه ونیسي.»

له کله چې طالبانو عمري عملیات پیل کړي په سلګونو غړي یې د دولتی ځواکونو په ځوابی یا تهاجمي حملو کې په تېره بیا په کندوز، هلمند او کندهار- اروزګان کې وژل شوي دي.

په کندوز کې یې د ارچي په شان ولسوالي، چې له تېرو ۴ کلونو راهیسي یې په کنټرول کې وه، له لاسه ووتله.

سرتاج عزیز هم د طالبانو ماتو ته اشاره وکړه، ویې ویل چې دا ډول شاتګونه کېدای شي طالبان د سولې خبرو ته حاضر کړي.

ده په عین حال کې وویل چې پاکستان لا هغه پړاو ته نه دی رسېدلی چې د طالبانو پر ضد اقدام وکړي ځکه چې پاکستاني چارواکي دا کار تر وار مخکې بولي خو افغانستان پر پاکستان فشار راوړي چې د طالبانو پر ضد ژر اقدام وکړي.

ښاغلي عزیز په ۲۰۰۱ کال په افغانستان کې د امریکا حملې ته په اشارې وویل، اسلام اباد کابل ته وايي چې له پوځي اقدامه له ۲۰۰۱ څخه کار اخیستل کېږي خو د افغانستان شخړه یې پای ته نه ده رسولې.

عزیز روانه اوونۍ له چینايي چارواکو سره په خبرو کې د افغانستان له حکومته وغوښتل چې د سولې بهیر بیا پیل کړي خو د افغانستان له ساړه غبرګون سره مخامخ شو.

ده نن وویل چې اسلام اباد به له واشنګټن او بیجنګ سره د افغانستان د سولې بهیر ته دوام ورکړي.

374 total views, 1 views today

5 comments

  1. غزنیوال Reply

    وایی چی د یتیم په ورانو شیدو کې خیر وي. که ټالیبانو « ملا غمبری » عملیات پیل کړل ، په مقابل کې د افغانستان قهرمان پوځ یی ټول پلانونه شنډ کړل او ټول یی چټلستان ته مړه ، ټپی او یا تښتیدلی ور ولیږل. اوس د ټالیبانو زور هم معلوم شو. که فرضا له دوی سره د مذاکراتو دروازی بندی هم شی ګټه به یی ټالیبانو او منافقانو ته ونه رسیږی برعکس د افغانستان خلک به بریالی وی او له دی مزدوری ، پردی پالی ډلی نه به بیغمه شی. د افغانستان د ولس د ملی یوالی په هیله.

  2. dawud Reply

    کوم کار چې د دوی په تاوان وي، نه یې کوي

  3. dawud Reply

    کوم کار چې د دوی په تاوان وي نه یې کوي

  4. لونګ Reply

    امممم که چیرې هغه تمرکز چې د پاکستان په رول شوی، په خپلو وړتیاوو د پیاوړي کولو او وسله والو مخالفینو په ځپلو شوی وای، په ډاډ سره به یې اغیر تر هر څه زیات وای. دولت باید خپلې وړتیاوې پیاوړې کړي، نیمګړتیاوو او تشو ته پام وکړي، ستونزه حل ده.

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2