Categories

اعلان

Loading…

له ترکمنستان څخه وارداتي برېښنا لانجمنه شوه

تاند- په حکومت کې شاملو او له حکومته دباندې د هزاره ګانو استازو غوښتنه وکړه چې له ترکمنستان څخه وارداتي برېښنا دې د بامیان له لارې پلازمېنې ته ورسول شي او کنې مظاهرې به وکړي.

د د ولسي عالي کمېټې په نوم د هزاره ګانو استازو په کابل کې یوې خبري غونډې ته وویل، په هیڅ صورت به ونه مني چې د وارداتي برېښنا مزي د بامیان او میدان له ولایتونو پرته له بلې لارې وغځول شي.

حکومت پرېکړه کړې چې دا برېښنا د موجودو مزو په وسیله له بغلان څخه پروان او بیا کابل ته ورسول شي خو د ولسمشر د دوهم مرستیال سرور دانش او پخواني مرستیال ولسمشر کریم خلیلي په شمول د هزاره قوم استازي وايي چې له بغلان څخه دې بامیان او بیا د میدان وردک د بهسودو له لارې مزي تېر کړل شي.

(د دې پروژې په اړه تفصیل)

د ولسي عالي کمېټې غړي وايي چې ولسمشر غني په زور او عبدالله په پټه خوله د بغلان – پروان له لارې د برېښنا له انتقال سره موافقه کړې ده خو دوی به دا پرېکړه ونه مني.

د افغانستان د اوبو او انرژۍ وزیر علي احمد عثماني وايي چې د سالنګ له لارې د ترکمنستان د ۵۰۰ کیلواټه برېښنا د انتقال پرېکړه د حامد کرزي د حکومت په دوره کې په ۱۳۹۲ لمریز کال شوې وه او اوس دا امکان نشته چې د دې پروژې مسیر بدل کړای شي.

عثماني تاکید وکاوه چې دا پرېکړه بدلېدای نه شي او ویې ویل چې که تغییر پکې راوړل شي نو ۱۲ ولایتونو ته د برېښنا لېږد به اغېزمن شي.

د اوبو او انرژۍ د وزیر په وینا د برېښنا د مزو د مسیر د بدلېدو په صورت کې وردک، غزني، لوګر، پکتیا، پکتیکا، خوست، پروان، پنجشېر او کاپیسا ته برېښنا نه شي رسېدای.

پرون /دوشنبه/ د انرژۍ مرستیال وزیر امان الله غالب په یوه خبري غونډه کې وویل چې د دې پروژې مالي ملاتړ کوونکو امریکا او جاپان ورڅخه غوښتي چې له ترکمنستان څخه د ۵۰۰ کیلواټ برېښنا د انتقال مسیر ژر تر ژره څرګند کړي او که د اپریل تر پایه یې څرګند نه کړ ممکن دا پروژه ۱۸ میاشتې وځنډېږي.

د غالب په وینا دا مسیر نور بدلېدای نه شي. ځکه چې د اپریل میاشت پای ته رسېدلې او مرستندویو هیوادونو ته خبر ورکړای شوی دی.

ویل کېږي چې دا د افغانستان د بریښنا په تاریخ کی تر ټولو لویه ملي پروژه ده چې د درو پړاوونو د بشپړېدو په صورت کې به له ترکمنستانه ۱۰۰۰ میګاواټه بریښنا تر کابل او بیا په درې خطونو کی میدان وردګ، غزنی، زابل، کندهار، جنوب لور ته لوګر، ګردیز او خوست او یو لاین یې د کابل دشت برچي او ارغندې سیمو ته وغځول شي.

277 total views, 1 views today

1 comment

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2