Categories

اعلان

Loading…

د نیویارک ټایمز خبریالې د افغان ښځو د ژوند په اړه د راپورونو په خاطر پولیتزر جایزه وګټله

تاند- د نیویارک ټایمز ورځپاڼې خبریالې الیسا جې. روبین په افغانستان کې د ښځو د ژوند په اړه د راپور جوړولو په خاطر د پولیتزر جایزه وګټله.

الیسا روبین ته، چې په پاریس کې د نیویارک ټایمز ورځپاڼې د دفتر مشره هم ده، پرون /دوشنبه/ د پولیتزر معتبره جایزه ورکړای شوه.

2په افغانستان کې د ښځینه پولیسو او د فرخندې د وژلو په اړه د اغلې روبین راپورونو د پولیتزر جایزې په ترلاسه کولو کې مهم رول درلود.

دا جایزه په نړۍ کې د ادبي اثاروغوره لیکوالو او ژورنالیستانو ته ورکول کېږي.

د پولیتزر هر ګټونکي ته ۱۰زره ډالره هم ورکول کېږي.

2د افغان ښځینه پولیسو په اړه د روبین راپور د افغانستان د واقعیتونو او د لوېدیځ د ایډیالونو ترمنځ ټکر بیانوي.

په راپور کې دا تصویر ورکول شوی چې د افغانستان په شان په خورا محافظه کاره ټولنه کې د ښځینه پولیسو ګومارل ډېر ځلي اپوټه (معکوس) نتیجه هم لرلی شي.

روبین له درو لسیزو راهیسی خبریالي کوي.

46 total views, 1 views today

Leave a Reply

Your email address will not be published. Required fields are marked *