Categories

اعلان

Loading…

په ننګرهار کې د داعش ۴۰ غړي په هوايي حمله کې ووژل شول

تاند- د ننګرهار ولایت په اچین ولسوالي کې نن شپه تر۴۰ زیات داعشي ترهګر ووژل شول.

دا خبره د افغانستان دفاع وزارت په یوه خبرپاڼه کې وکړه، ویې ویل چې د داعش یا اسلامي دولت د وسله والې سختدریځې ډلې پر ضد هوايي عملیات د شپې په ۸ بجې او۲۰ دقیقو وشول.

دفاع وزارت دې ته اشاره نه ده کړې چې بمباري افغان هوايي ځواک کړې که بهرنیو ځواکونو.

په خبرپاڼه کې یادونه شوې چې نور تفصیل به وروسته اعلان شي.

د افغانستان ملي امنیتي خواکونو په وروستیو ورځو کې مخکې تر دې چې طالبان پسرلني عملیات اعلان کړي، د سختدریځو ډلو پر ضد بریدونه زیات کړي دي.

د ځینو راپورونو له مخې په افغانستان کې مېشت امریکايي ځواک د جنورۍ او فبرورۍ په میاشتو کې د داعش د تروریستې دلې خلاف ۲۵۱ بمونه غورځولي دي.

د امریکا د پوځ په وینا هوايي ځواک یې په یادو دوو میاشتو کې د تېر کال د ورته مودې په پرتله درې برابره زیات هوايي بریدونه کړي دي.

98 total views, 3 views today

2 comments

  1. عبدالرحيمزى Reply

    د دواړو خواو نه په پريمانه کچه دروغ ويل کيږى
    .دمهرباتى له مخى کره خبر وړاندى کوى

  2. عبدالله پیکار Reply

    زه له تیرې اونۍ راهیسې په کوټ کې وم ، په همدې شپه ۱۶ کسانو ته مرګ ژوبله اوښتې چې زیاتره یې ټپیان او کم یې مړه دي ، وزیری صاحب یې هم په راشپیل بادوي

Leave a Reply

Your email address will not be published. Required fields are marked *