Categories

اعلان

Loading…

کرزي د امریکا د بهرنیو چارو وزیر څرګندونې د افغانستان په چارو کې لاسوهنه وبلله

تاند- پخواني ولسمشر حامد کرزي نن /پنجشنبه/ د ملي یووالي د حکومت په اړه د امریکا د بهرنیو چارو وزیر جان کیري په وروستیو څرګندونو عکس العمل وښود او هغه یې د افغانستان په چارو کې د امریکا لاسوهنه وبلله.

کرزی، چې له څو کلونو راهیسي هڅه کوي، له امریکا سره خپلې اړیکې خړې وښيي، په کابل کې یوې غونډې ته وویل، د افغانستان د ملي یووالي د حکومت په اړه د امریکا د باندنیو چارو وزیر څرګندونې د افغانستان په کورنیو چارو کې ښکاره لاسوهنه ده.

جان کیري د شنبې په ورځ /اپریل ۹/ په کابل کې له ولسمشر غني سره په یوه ګډه خبري غونډه کې په ۶ میاشتو کې د ملي یووالي د حکومت د پای ته رسېدو په باب د یوه افغان خبریال د پوښتنې په ځواب کې وویل:«دا حکومت له دوو کلونو یا له اوسه شپږ میاشتې وروسته پای ته نه رسېږي. دا موافقه پای ته رسېږي، دا د ملي یووالي د حکومت موافقه ده، چې موده یې ۵ کاله ده.»

وروسته اجرايي ريیس عبدالله عبدالله هم په دې تعجب څرګند کړ چې ځیني افغان سیاستوال وايي د ملي یووالي حکومت د ۲ کلونو لپاره جوړ شوی دی.

عبدالله وویل، دغو سیاستوالو د ملي یووالي د موافقې متن نه دی لوستی که یې ولولي نو داسي کومه یادونه هلته نه ده شوې.

خو کرزي نن وویل، د افغانستان په چارو کې د امریکا د لاسوهنو دوام د نه زغملو دی.

ده تاکید وکاوه چې افغانان په خپله خاوره کې په دې شرط د امریکا د حضور ملاتړ کوي چې د افغانستان پر ملي ګټو معامله ونه شي.

کرزي همداراز وویل:«هیڅ بهرنی به پرې نښودل شي چې د افغانستان ملي حاکمیت له خطر سره مخامخ کړي، امریکا باید د افغانستان له ملي حاکمیت سره لوبې ونه کړي.»

حامد کرزي دا هم وویل چې په افغانستان کې هغه وخت سوله او ثبات ممکن دی چې د امریکا متحد ایالتونه او پاکستان د افغانستان د سولې د بهیر لپاره ریښتونې هڅې وکړي.

کرزي په خپلو څرګندونو کې د پاکستان پخوانی پوځي دیکتاتور ضیاالحق شهید وباله. د ده دا خبره په ټولنیزو رسنیو کې له سختو نیوکو سره مخامخ شوې ده ځکه چې ډېری افغانان باور لري چې د افغانستان په چارو کې د پاکستان لاسوهنې د ضیا الحق له وخته پیل او د افغانستان د ویجاړولو پلان جوړ شو.

582 total views, 1 views today

2 comments

  1. سید زرغون شا اغا Reply

    په پاړسو کی متل دی:
    ۱) با پنج هم پنج، با صاحب پنج هم پنج.
    ۲) از کیر ما رستم شدی پس با ما دشمن شدی.

  2. A.Halim Hakimi Reply

    A quotation from late Gen. Ziaul Haq referring to the leadership of Afghan Mujahedeen parties :

    ” Now is the time to put the show of our own flowers in Kabul ” .

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2