Categories

اعلان

Loading…

زاخېلوال، د پسرلنیو عملیاتو له اعلانولو څرګندېږي چې طالبان سوله نه غواړي

تاند- په اسلام اباد کې د افغانستان سفیر او د ولسمشر خاص استازی وايي، د پسرلنیو عملیاتو له اعلانولو داسي ښکاري چې وسله وال طالبان له سولې سره دلچسپي نه لري.

ډاکتر عمر زاخېلوال په عین حال کې وویل، پاکستان په طالبانو کې نفوذ لري او لا هم کولی شي چې دا ډله د سولې خبرو ته حاضره کړي.

تر دې مخکې د پاکستان د بهرنیو اړیکو سلاکار سرتاج عزیز هم ویلي و چې هیواد یې په طالبانو کې نفوذ لري او دا ډله د سولې خبرو ته حاضرولی شي.

سرتاج عزیز حتي خبرداری ورکړی و چې که طالبان د سولې خبرو ته حاضر نه شول د پاکستان له خاورې څخه به وایستل شی.

خو له دې سره سره چې طالبانو روانه اوونۍ د عمري عملیات په نوم پسرلنۍ جګړه اعلان کړه، پاکستان تراوسه پوري د طالب مشرانو او د هغوی د کورنیو د غړیو په وړاندې، چې په پاکستان کې اوسي، کوم اقدام نه دی کړی.

عمر زاخېلوال وايي، لا هم د څلوراړخیزې غونډې بل پړاو خبرو ته نېټه نه ده ټاکل شوې.

په پام کې وه چې په مارچ میاشت کې د څلوراړخیز ګروپ په پنځمه ناسته کې طالبان هم ګډون وکړي.

د زاخېلوال په وینا پاکستان وايي چې طالبان یې د سولې خبرو ته تشویق کړي خو نتیجه یې نه ده لرلې.

6 total views, 1 views today

Leave a Reply

Your email address will not be published. Required fields are marked *