Categories

اعلان

Loading…

په تخار کې د جمعیت او جنبش د پلویانو ترمنځ په نښته کې ۴ تنه وژل شوي

تاند- د تخار ولایت په رستاق ولسوالي کې د دغه ولایت د ولایتي شورا د یوه غړي او د ولسي جرګې د تېرې دورې د تخار د یوه استازي د وسله والو کسانو ترمنځ په نښته کې د ولایتي شورا غړی عین الدین رستاقي او ۳ تنه نور ووژل شول.

پېښه د چهارشنبې په ورځ /اپریل ۱۳/ مازدیګر مهال وشوه. د ولایتي شورا غړی د جمعیت او د ولسي جرګې د تېرې دورې وکیل د جنبش غړی دی.

د تخار د ولایتي شورا وژل شوی غړی

د تخار د ولایتي شورا وژل شوی غړی

سیمه ییز چارواکي وايي چې په دې وسله واله نښته کې ۴ تنه نور ژوبل شوي او د ځینو ټپیانو حال نازک دی.

د ټپونو د سختوالي له کبله څو ټپیان د ولایت په مرکز کې د تالقان روغتون ته وړل شوي دي.

عین الدین رستاقي د تخار د ولایتي شورا د ۲ دورو استازی او د جمعیت ګوند غړی و.

دې ته په پام چې د ولایتي شورا وژل شوی غړی عین الدین رستاقي د جمعیت غړی و او مقابل لوری یې بیرم قول ضیايي د جنبش غړیتوب لري، وېره ده چې دا پېښه په تخار کې د دغو دوو ډلو ترمنځ اختلافات زیات کړي.

ویل شوي چې د ولسوالۍ په مرکز کې حالات ترینګلي دي او وسله وال کسان پکې بلې احتمالي نښتې ته تیاري نیسي.

تراوسه څرګنده نه ده چې د دواړو خواوو ترمنځ اختلاف د کومې مسلې پر سر رامنځته شوی دی.

35 total views, 1 views today

Leave a Reply

Your email address will not be published. Required fields are marked *