Categories

اعلان

Loading…

ابوحنیفه کتابتون پرانستل شو/ حبیب وقار

د روان ۱۳۹۵ هجري لمریز کال د وري د میاشتې په ۲۰ مه نېټه د جمعې په مبارکه ورځ د کابل ولایت، پغمان ولسوالۍ اړوند قلعه وزیر په سیمه کې د امام ابن القیم (رح) په جامع جومات کې د ابو حنیفه په نوم یو عامه کتابتون پرانستل شو.

د ښاغلي مجیب الرحمن محمودي په هلوځلو او ځینو خیر غوښتونکو کسانو په مرستو سره د یاد کتابتون بنسټ په داسې حال کې کېښودل شو، چې په نوموړي جامع جومات کې یو شمېر کسان د جمعې د لمانځه د ادا کولو لپاره را غونډ شوي وو، د کتابتون له افتتاح څخه مخکې د جومات امام او خطیب ښاغلي مولوي محمد ابراهیم غزنوي ناستو کسانو ته د کتابتون د ارزښت په اړه په زړه پورې او ارزښتناکه وینا وکړه او ویې ویل، چې دا کتابتون یو لوی نعمت دی، له دې سره باید هر کلیوال مرسته وکړي، ځکه کتاب ډالۍ کول یوه جاریه صدقه ده او هر لوستی باید له دغه کتابتون څخه سالمه استفاده وکړي؛ ترڅو د فرد فرد له مطالعې سره د ټولنې د عامه پوهاوي کچه لوړه شي او د یو شمېر بدمرغیو مخنیوی وشي.

2ښاغلي غزنوي، د خپلو خبرو به ترڅ کې د یاد کتابتون شرایط واضح کړل او په دې اړه یې ناستو کسانو ته پوره مالومات ورکړل.

د جمعې مبارکې له لمانځه وروسته د یو شمېر کلیوالو لخوا یاد کتابتون افتتاح شو او له ټولو هغو کسانو څخه یې مننه وکړه، چې د دې کتابتون په جوړولو کې یې مرستې او هلې ځلې کړې دي او یا له دې وروسته ورسره مرسته کوي.

د کلیوالو لخوا ښاغلي انجینیر محمد ظاهر صادق ته له دې امله یو ستاینلیک ورکړل شو، چې د دغه کتابتون د درېیو الماریو ټول لګښت یې په غاړه اخیستی و، کلیوالو له ده څخه مننه وکړه او د خیر دعا یې ورته وکړه.

د یادونې وړ ده، چې ښاغلي محمودي له ۱۳۹۱ هـ ل کال راهیسې د خلکو د عامه پوهاوي د کچې د لوړتیا په موخه په بېلا بېلو کلیوالي سیمو کې د عامه کتابتونونو په جوړولو پیل کړی دی او له ځینو کسانو څخه دغو کتابتونونو ته کتابونه او مرستې راټولوي، چې تر اوسه یې د یو شمېر کسانو په مرستو سره د پنځو عام المنفعه کتابتونو بنسټ اېښی دی او د ځینو کسانو په هلوځلو سره د پنځو نورو کتابتونونو لپاره د کتابونو په راټولولو بوخت دی.

310 total views, 3 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2