Categories

اعلان

Loading…

ولسمشرغني: افغانستان د القاعده، داعش او طالبانو له ترور سره مخامخ دی

تاند- د افغانستان ولسمشر محمد اشرف غني نن /دوشنبه/ وویل، افغانستان د القاعده، اسلامي دولت یا داعش او طالبانو له تروریزم سره مخامخ دی.

ښاغلی غني، چې په کابل کې د ګډې همږغۍ ځانګړي څارونکي بورد غونډې ته وینا کوله، وویل«تروریستي ډلې په پر له پسې ډول افغانستان په نښه کوي.»

ده له تروریستي ډلو سره د مبارزې لپاره د یوې شبکې د جوړېدو پر اړتیا د ټینګار ترڅنګ وویل، تروریستي ډلې هڅه کوي چې د نړۍ کلچر او تاریخ بدل کړي، دوی هیڅ پوله نه مني.

ده وویل چې د ترهګرو په منځ کې ښه او بد نشته.

ولسمشر غني د تروریستانو په وړاندې د افغان امنیتي ځواکونو مبارزه او مقاومت وستایه.

بېوزلي ډېره شوې

ولسمشر غني په عین حال کې ومنله چې په افغانستان کې د بېوزلۍ شرحه ۴۹ فیصدو ته زیاته شوې ده.

ده وویل چې په تېرو دوو کلونو کې بېوزلي ډېره شوې او اصلي علت یې له افغانستانه د بهرنیو پوځیانو وتل دي.

ولسمشر غني وویل چې په ۲۰۱۳ م کال کې د بېوزلۍ شرحه ۴۶ فیصده وه خو په ۲۰۱۴ کې په سلو کې ۴۹ ته زیاته شوې خو د دې په مقابل کې حکومت د خپلو عوایدو زیاتولو او د فشاد کمولو ته پام کړی دی.

147 total views, 2 views today

Leave a Reply

Your email address will not be published. Required fields are marked *

۸