Categories

اعلان

Loading…

خارج ته له تللو افغانانو سره هیڅ خواخوږې نلرم/ محمديار يار

د ښاغلي محمد اشرف غني د سیاسي کمزوریو، سهوو او ناکامیو په باب مې ډېر څه په ذهن کې خوندي دي چې د نوموړي د ټاکنیز کمپاین پر مهال مې یې را ایستل نه د انتخاباتو د پروسې نه وطن او نه هم نظام په ګټه بلل او نه یې لا هم تر اوسه اظهار د خپلو خلکو په خیر ګڼم ځکه چې ګټه یې مخامخ غله، غاصب، جنګسالار، جګړه مار، فاسد او خودغرض ته رسیږي او له بده مرغه چې لاهم د نوموړي بدیل نه وینم خو پر خپله غاړه یې د افغانانو ملي پور بولم چې یو وخت یې باید د ځپل ځوان سیاسي نسل د درس اخیستو په موخه را میدان ته کړم؛ مګر د بهر مېشتو افغانانو په اړه د محترم ولسمشر د نه خواخوږۍ اظهار په هیڅ وجه د توجیه او نه عکس العمل وړ نه دی؛ ماته د ښاغلي غني دا ډول عجیب بیان د خپلو کډوالو افغانانو سپکاوی وایسېد او د سپکاوي دا ګنا د بخښلو نه بولم.

نورې ستونزې پر خپل ځای، چې په وړاندې یې خپله چوپتیا توجیه کوم، خو دا ډېره لویه بې انصافې ده چې یو واکمن دې په خپله دوه کلنه واکمنې کې خپله کابینه تکمیل نکړای شي، د یو پنځوس زرو حکومتي بستو لپاره دې د دېرش میلیونه نفوس له منځه مسؤلین پیدا نکړای شي او بلا نورې ناخوالې او بیا دې د دغو ناخوالو له امله له خپلو پردېسو شوو وطنوالو سره د نه خواخوږۍ اعلان وکړي.

زه خو باور لرم چې تر وطن مېشتو افغانانو بهرمېشتي ډېر د خواخوږۍ وړ دي ځکه د خپل کور، اور او ورور پرېښوول ډېر سخت کار دی، خپل هویت په تورو اوبو لاهو کول څه ګپ- شپ نه دی، خپل ځان، اولاد او ژوند د ترکیې او یونان په اوبو کې غرقول د ښې ورځې کیسې نه دي او…. دا ناممکنات دي خو چې یو څوک د داسې ناممکن ممکنولو ته مجبوریږي نو اسانه د درک وړ ده چې دا کس څومره بد درد او سوخت په مخه کړی دی، که ولسمشر له وطنه د دوی د بېلتون زخم رغولای نشي ځه، ګیله به نه کوو او پر حالاتو به یې تاوان کړو خو د لا شوړولو او ځورولو حق یې په هیڅ صورت نه لري.

بیا به مې هم خوله ګنډلې وای که خپله د جناب رییس جمهور د کورنۍ ژوند په امریکا کې تضمین نه وای او یوازې په افغانستان پورې تړلی وای، د محترم ډاکتر عبدالله محترم فامیل يه هندوستان کې نه اوسېدلای او دغسې نور چارواکي خو اوس چې دوی هر یو، هره شېبه د هر ډول لویې بلا له خولې څخه د نجات چانس لري او له خپلو هغو وطنوالو سره هیڅ خواخوږې نه لري چې د بلا له خولې څخه په تېښته دي، الحق چې ډېره لویه ناځوانې ده، هغه هم د یوه ولسمشر په سطحه.

د پنجشنبې ماښام له ډاکتر څخه له یوې پلنډې دوا سره کور ته راغلم، ټلیفون مې بېخې بند کړ ځکه یوازې زنګ یې هم د سر درد را زیاتاوه خو له بي بي سي راډیو مې د خپلو بېچاره و ستړو کډوالو افغانانو په باب د خپل ولسمشر له داسې بې ضرورته څرګندونو اورېدو سره صحي تکلیف څو چنده زیات شو.

څوک په رضا له ملکه نه ځي

یا ډېر غریب شي یا د یار له غمه مرینه

بدلون اوونيزه/ دوهم کال/۲۰ مه / پرلپسي ۷۲ مه ګڼه/چهارشنبه/ حمل/۱۱/ ۱۳۹۵

296 total views, 2 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2