Categories

اعلان

Loading…

په پېښور کې د مږو پر سر جایزه وټاکل شوه

تاند- په خیبر پښتونخوا کې د ښاروالۍ چارواکو په پېښور ښار کې د مږو او موږکانو د وژلو لپاره جایزه ټاکلې ده.

د خیبر پښتونخوا چارواکي وايي چې په پېښور کې مږې او موږکان نه یوازې خوراکي مواد او جامې خوري بلکې د ودانیو بنسټونه (تهدابونه) یې هم سخت زیانمن کړي او د راپورونو له مخې یو ماشوم د موږکانو په حمله کې وژل شوی دی.

د پېښور ښاروالۍ د ښار په بېوزله سیمو کې د هرې مږې د نیولو لپاره ۵۰ پاکستانۍ روپۍ او په پوځي سیمو، لکه صدر کې، د هرې مږې د نیولو پر سر ۳۰۰ روپۍ جایزه ټاکلې ده.

ویل کېږي چې د پېښور مږې د پيشوګانو په شان غټې دي او پيشوګانې یې هم د نیولو جرات نه لري.

دا هم ویل شوي چې هره مږه ۳۰ سانتۍ ته رسېږي.

پېښور ښاروالي هیله لري چې جایزه به خلک وهڅوي چې د مږو ختمولو ته کلکه ملا وتړي او د ښاریانو سرخوږی به پای ته ورسوي.

که څه هم تراوسه دقیقاً څرګنده نه ده چې په پېښور کې موږکان او مږې ولي زیاتې شوي خو ویل کېږي چې پر له پسې ورښتونو او سېلونو د دې ژوي د نسل له زیاتېدو سره مرسته کړې ده.

66 total views, 1 views today

2 comments

  1. نجیب Reply

    خدای دی دوی پداسی بلا اخته کی چی سیند او پنجاب ته هم ورسی او هره مژه د ددوی جنرالانو او کرنیلانو په دبره ور ننوزی

  2. usman Reply

    خدای پاک دي دا ټولې مږې پنجاب ته
    ورسوي
    چي دا تور مخې هم په يو غم اخته شي
    د دي تور مخو دلاسه په افغانستان
    کي بد حال دي
    نه په پاکستان کي پښتانه پريږدي او نه په خپل هيواد افغانستان کي

Leave a Reply

Your email address will not be published. Required fields are marked *