Categories

اعلان

Loading…

د امریکايي پوځیانو له لوري د یوه ماشوم پر وژلو خلکو اعتراض وکړ

تاند- نن /دوشنبه/ وروسته له دې چې یو ماشوم د امریکايي پوځیانو په ډزو ووژل شو، په پروان کې خلکو مظاهره وکړه.

د پروان امنیه قوماندان جنرال زمان مموزي وویل، ماشوم په بګرام کې د امریکايي ځواکونو له لوري په دې خاطر ووژل شو چې په لاس کې یې وسله وه خو هغه د کلاشینکوف په شان د لوبو وسیله په لاس کې لرله.

مموزي همداراز وویل چې امریکايي پوځیانو هلک ته له لېري د درېدو خبرداری ورکړی و.

ممکوزي د وژل شوي هلک د عمر په اړه څه ونه ویل.

له پېښې وروسته د سیمې اوسېدونکي د بګرام هوايي اډې ته نژدې راغونډ شول چې د ماشوم پر وژلو اعتراض وکړي خو کله چې د وضعیت په اړه ورته وویل شول، بېرته تیت شول.

د پروان امنیه قوماندان وايي چې د پېښې په اړه تحقیقات روان دي.

په بګرام کې مېشتو امریکايي چارواکو تراوسه پوري په دې باب څه نه دي ویلي خو په کابل د امریکا پوځ وویل چې په دې اړه څېړنې کوي.

69 total views, 1 views today

1 comment

Leave a Reply

Your email address will not be published. Required fields are marked *