Categories

اعلان

Loading…

ولسمشر غني د لاهور پر پېښې د پاکستان له ولس او حکومت سره غمرازي وکړه

تاند- د افغانستان ولسمشر محمد اشرف غني په یوه اعلامیه کې د لاهور حمله وغندله او د پاکستان له ولس او حکومت سره یې خواخوږي څرګنده کړه.

له ارګ څخه د یوې خپرې شوې خبرپاڼې له مخې، ولسمشر غني ویلي:«د افغانستان حکومت د پاکستان د لاهور نننۍ تروریستي حمله، چې د بېګناه ملکیانو ژوند یې واخیست، غندي.»

په خبرپاڼه کې همداراز راغلي:«موږ د قربانیانو له کورنیو، د پاکستان له خلکو او حکومت سره غمرازي کوو. په عین حال کې په دې ټینګار کوو چې تروریزم پولې نه پېژني، نو باید د سیمه ییزو همکاریو د زیاتولو له لارې په ګډه ورسره مبارزه وشي.»

د لاهور د ګلشن اقبال مېنې د پارک په چاودنه کې، چې پولیس وايي انتحاري وه، ۷۰ تنه وژل شوي او ۳۰۰ نور ژوبل دي.

روغتوني سرچیني وېره لري چې د تلفاتو شمېر به زیات شي ځکه ډېری ټپیان مرګي حاله ښکاري. (د پېښې نور جزییات ولولئ)

 په وروستیو کلونو کې په پاکستان کې اکثره دا ډول بریدونه د پاکستاني طالبانو تحریک کوي خو تراوسه پوري دې ډلې د برید مسوولیت نه دی منلی. پر طالبانو سربېره په پاکستان کې ګڼې نورې سختدریځې ډلې شته چې ادعا کېږي د پاکستان استخباراتي ادارو د هند او افغانستان لپاره جوړې کړي او روزلي خو ډېر ځلي د پاکستان عام خلک وژني.

د یوه تازه خبر پر اساس د پاکستان ډان ورځپاڼې وویل چې جمعیت الحرار ډلې د دې برید مسوولیت منلی دی. د ډان پر اساس جمعیت الحرار په پاکستاني طالبانو پوري تړلې ډله ده.

420 total views, 1 views today

2 comments

  1. babrak Reply

    ژوندي دې وي جمعیت الا حرار

  2. نجیب الله علیزی Reply

    This is against humanity.

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2