Categories

اعلان

Loading…

اسارت/ خوږه تمکین

د وصال په انتظار کې

ټوله شپه يمه شوګيره

زړه مې لومو کې نښتی

خپله هم شومه اسيره

راشه غېږ کې مې درواخله

ای د ښکليو نجونو پيره

د ژوندون له ګړنګونو

راغورځېږم بې تدبيره

چې دې زړه کې يمه نغښتې

داسې ښه يمه مستوره

خو احساس دې چې تفسیر کړم

له تشویشه شم تروره

چې به ته جنت ته لاړ شې

یابه زه شم هلته حوره

نن خوږې خبرې وکړه

د سبا وعده دې دوره

6 total views, 2 views today

Leave a Reply

Your email address will not be published. Required fields are marked *