Categories

اعلان

Loading…

د طالبانو یوه قوماندان د ملا اختر محمد منصور پر ضد جهاد اعلان کړ

تاند- د طالبانو یوه قوماندان ملا اختر محمد منصور د آی ایس آی ایجنټ وباله او د هغه پر ضد یې د جهاد فتوا ورکړه.

په بادغیس ولایت کې طالب قوماندان ملا غفور توفان ملا اختر محمد منصور د ملا محمد عمر پر وژلو تورن کړ او ویې ویل چې منصور د آی ایس آی لپاره کار کوي.

د طالبانو ترمنځ د تېر کال په جولای کې د ملا محمد عمر د مړینې له اعلانه وروسته درز رابرسېره شو. ګڼو طالبانو په دې اعتراض وکړ چې منصور ولي د ملا عمر مړینه نژدې دوه نیم کاله پټه ساتلې وه، د ملا عمر په نوم یې دروغي اعلامیې خپرولې او واک یې په پټه په کنترول کې اخیستی.

د طالبانو یوه بله ډله، چې ځان فدايي محاذ بولي، ادعا کوي چې ملا عمر ته د منصور له لوري زهر ورکړل شوي ول.

د ملا عمر د مړینې خبر لومړی پلا فدايي محاذ اعلان کړ.

 فدايي محاذ په ادعا د منصور او ملا عمر ترمنځ د قطر د دفتر د پرانستلو پر سر اختلاف د دې سبب شو چې ملا عمر په زهرو ووژل شي.

د ملا عمر د مړینې له تاییده وروسته د منصور د مخالفو طالبانو مشري ملا محمد رسول اخوند کوي. د رسول او منصور د پلوي طالبانو ترمنځ د حوت په میاشت کې د هرات په شینډنډ ولسوالي کې شاوخوا ۲۰۰ تنه ووژل شول.

قوماندان توفان، چې ځان ملا محمد رسول اخوند ته وفادار ښيي، په بغلان ولایت کې د منصور د کسانو پر ضد جهاد اعلان کړی.

د بادغیس د قادیس د سیمې اوسېدونکو ولایتي شورا ته شکایت کړی او د طالبانو ترمنځ د نښتو د بیلېدو پر احتمال یې اندېښنه ښوولې ده.

67 total views, 2 views today

Leave a Reply

Your email address will not be published. Required fields are marked *