Categories

اعلان

Loading…

د وېښتانو د سپینېدو د مخنیوي لور ته مهم ګام

تاند- په بریتانیا کې ساینسپوهان وايي، هغه جین یې پېژندلی چې د وېښتو په سپینېدو کې رول لري.

د رویټرز خبري اژانس د راپور له مخې، د لندن پوهنتون څېړونکي وايي، د دغه جین څرګندېدو مرسته کړې چې په راتلونکي کې نه یوازې د انسان د وېښتانو د سپینېدو مخه ونیسي بلکې سپین شویو وېښتانو ته بېرته رنګ ورکړي.

د دوی په وینا د لاتینې امریکا د ۵ هیوادونو د څه باندې ۶۳۰۰ تنو د ډي این اې (DNA) تحلیل او تجزیې دا امکان ورته برابر کړ چې د وېښتو د سپینېدو عامل جین وپېژني.

ساینسپوهان وايي، دا جینونه (IRF4) نومېږي او په بدن کې د میلانین مادې په تنظیم کې رول لري.

میلانین رنګه مواد دي چې د انسان د وېښتو، پوستکي، او سترګو رنګ جوړوي او یا د انسان د پوستکي، سترګو او وېښتانو د رنګ په څرنګوالي کې رول لري.

په لندن پوهنتون کې د وراثت یا جنیټیک متخصص اندرس رویز لینرز رویټرز خبري اژانس ته ویلي، د انسانانو وېښتان د عمر په مختلفو وختونو کې سپینېږي، مثلاً د یو چا په وېښتانو کې ښايي تر ۴۰ کلنۍ هیڅ سپین تار پیدا نه شي خو د یوه بل وېښتان ممکن تر شل کلنۍ مخکې په سپینېدو شي، د دې علت د همدغه جین څرنګوالی دی.

د دوی د څېړنې پایله په (نېچر) مجله کې خپره شوې ده.

دوی پر وراثت سربېره نور عوامل لکه روحي فشارونه او په ژوند کې ترخې او بدې پېښې هم د وېښتو د ژر سپېنېدو سبب بولي.

دا لومړی ځل دی چې د وېښتانو د سپینېدو د ارثي یا جنیټیکي عواملو په باب څېړنه کېږي.

270 total views, 1 views today

6 comments

  1. بشير Reply

    مطلب دي څرګند کړ او عنوان دمطلب دسپينو وريښتانو مخنيوئ!
    او دا دي ونه ويل چه څنګه ئې مخنيوئ وکړو.که دا وليکې ډير به ښه سي.
    مننه.

  2. yousaf Reply

    مونږ مو نور هم په تشویش کړو او دا لږ راپاتی تور ویښتان به می هم سپین ش ی. مطلب دا چی علاج یی وښایه چی دعا درته وکړو. مننه

  3. نجيب الله Reply

    معلوماتو نه مو مننه علاج فه باره كي هم معلومات نشركري

  4. جانان Reply

    عنوان یی ده مخنیوی په نوم خو ده مخنیوی په اره مو هیچ ندی زکر کری او دامو اول زل ندی همیشه ستاسو مطلب نیمگری وی.

  5. طاهر جان Reply

    علاج خو یی واشایه چی سه وکرو

  6. رحمت الله خاطر Reply

    ښه څیړنه ده خو د مخنیوی په اړوند مو هیڅ ندی ویلی

Leave a Reply

Your email address will not be published. Required fields are marked *