Categories

اعلان

Loading…

د افغانستان او ایران ولسمشرانو پر دوه اړخیزو همکاریو خبرې وکړې

تاند- د افغانستان او ایران ولسمشرانو نن د نوروز په مناسبت له یو بل سره ټېلفوني خبرې وکړې او په ترڅ کې یې پر خپلمنځي اړیکو نظرونه تبادله کړل.

د ایران د ایرنا خبري اژانس د راپور له مخې، د افغانستان ولسمشر محمد اشرف غني او د هغه ایراني ساري حسن روحاني د دوو هیوادونو ترمنځ د دوستانه اړیکو پر پراختیا او د دوه اړخیزو همکاریو پر زیاتېدا تاکید وکاوه.

د ایرنا پر اساس د افغانستان ولسمشر خپل ایراني ساري او د ایران خلکو ته د نوي کال مبارکي وویله.

ده د دوه اړخیزو همکاریو د لا زیاتېدو پر ضرورت ټینګار وکړ او په دې برخه کې یې د ایران رول مهم وباله.

د افغانستان ولسمشر د ایران مذهبي مشر آیت الله علي خامنه يي ته د روغتیا هیله او د ایران د ملت لپاره د بري او سوکالي غوښتنه وکړه.

د ایران د رسمي خبري اژانس (ایرنا) له راپور سره سم، د ایران ولسمشر حسن روحاني هم خپل افغان ساري ته د نوي ۱۳۹۵ لمریز کال مبارکي ورکړه او په ټولو برخو کې یې له افغانستان سره د ایران د اړیکو او همکاریو پر براختیا ټینګار وکړ.

افغانستان او ایران په نړۍ کې یوازیني دوه هیوادونه دي چې له هجري لمریز کال څخه پکې کار اخیستل کېږي.

65 total views, 1 views today

Leave a Reply

Your email address will not be published. Required fields are marked *