Categories

اعلان

Loading…

سور صلیب په افغانستان کې خپل فعالیتونه پراخوي

تاند- د سره صلیب نړیواله کمېټه غواړي چې په افغانستان کې خپل مرستندوی عملیات پراخ کړي څو د جنګ ځپلیو خلکو اړتیا ته په وخت ځواب ووايي.

د سره صلیب د نړیوالې کمېټې رييس نن /جمعه/ په کابل کې د افغانستان ستونزو ته په اشارې وویل:«د کورنیو بې ځایه شمېر لا زیات شوی، په جګړه کې لا ډېر خلک ټپیان شوي او لا ډېر کسان معلوله شوي دي، د بشري وضعیت په اړه اندېښنې په زیاتېدو دي، خو د نړیوالو توجه په کمېدو ده.»

د سره صلیب د نړیوالې کمېټې رييس پیټر ماوریر د افغانستان د پنځه ورځني سفر په وروستۍ ورځ په یوه خبري غونډه کې خبریالانو ته همداراز وویل چې د سره صلیب نړیواله کمېټه به د افغانستان لپاره خپله بودجه په سلو کې ۱۰ زیاته کړي.

«موږ په ۲۰۱۶ م کال کې د افغانستان لپاره خپله بودجه د دغه هیواد د ستونزو اندازې ته په کتو ډېره کړې ده. موږ به د امکاناتو له څېړلو وروسته د ټپیانو د انتقال په شمول خپل فعالیتونه نور پراخ کړو.»

د افغانستان ولسمشر محمد اشرف غني روانه اوونۍ د سره صلیب د نړیوالې کمېټې له رييس سره په کتنه کې غوښتنه وکړه چې دا کمېټه دې د جګړې له میدانه د ټپیانو په لېږدولو کې مرسته وکړي.

ولسمشر غني له پیټر ماوریر سره په کتنه کې وویل، د جنګ له صحنې څخه د ټپیانو د انتقال لپاره د بیړنیو هوایي خدماتو او امکاناتو نشتوالی د افغانستان یوه لویه ستونزه ده. په دې برخه کې د بشردوستانه همکاري په خاطر دې سور صلیب هغه هوایي امکانات وکاروي چې د دې کمېټې نښان ولري. د افغانستان حکومت د بشردوستانه فعالیتونو د ترسره کولو لپاره لازمه فضا دې سازمان ته ورکوې او د د دې کار ملاتړ کوي.

د سره صلیب نړیواله کمېټه له هرراز توپیره پرته د جګړې له ټولو خواوو سره یو شان مرسته کوي.

د سره صلیب د نړیوالې کمېټې رييس وايي چې کمېټې یې په افغانستان کې  له ۲۵ زره بندیانو سره مرکې کړي او له دغو مرکو داسي ښکاري چې په وروستیو څو کلونو کې د بندیانو وضعیت ښه شوی دی.

244 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2