Categories

اعلان

Loading…

د امریکا سفارت په کابل کې د تروریستي برید د احتمال خبرداری ورکړ

تاند- په کابل کې د امریکا سفارت خپلو اتباعو ته خبرداری ورکړ چې ممکن په کابل کې د نوي کال په مراسمو کې تروریستي برید وشي.

په کابل کې د امریکا د سفارت له لوري په خپور شوي خبرداري کې ویل شوي:«په کابل کې د امریکا سفارت داسي راپورونه ترلاسه کړي چې یاغیانو د نوروز، د افغانانو د نوي کال په درشل کې د کابل ښار د نوروزي جشن د ګډوډولو په هدف د ورانکارو فعالیتونو پلان جوړ کړی دی.»

په دې خبرداري کې همداراز راغلي:«د دغه بالقوه ګواښ په وړاندې ممکن په کابل ښار کې امنیتي تدابیر په فوق العاده ډول زیات وي.»

د خبرداري په دوام کې لیکل شوي:«د یادونې په توګه، افغانستان ته د سفر د خبرداري مطابق، د امریکا د متحدو ایالتونو د بهرنیو چارو وزارت خپلو اتباعو ته د افغانستان د سفر په باب خبرداری ورکوي. د افغانستان امنیتي وضعیت خورا بې ثباته دی، او په افغانستان کې ټولو امریکايي اتباعو ته خطر لا هم موجود دی او هغوی چې په افغانستان کې اوسي، کېدای شي له دې هیواده پر وتلو غور وکړي.»

د امریکا سفارت عموماً د خاصو مناسبتونو په مهال خپلو اتباعو ته خبرداری ورکوي او ورڅخه غواړي چې تګ راتګ محدود کړي.

10 total views, 2 views today

1 comment

  1. qamar ali Reply

    چې امریکایانو ته پدې اړه معلومات شته نو ولې بیا اقدام نکوي خو زما په فکر هسې په افغانانو کې ویره خپروي او ددې خبر نه سیاسي ګټه هم اخلي له یوې خوا به په اشرف غني فشار راشي او له بلې خوا به طالبان دخلکو په نظر داسې وښئي چې دوی له افغانانو خوښي اخلي او ددې امکان هم شته چې پخپله امریکایانو د چاودنو پلان جوړ کړی وي او دخپلو جاسوسانو په لاسونو یې تطبیقوي او طالبان به خبر هم نه وي او نا حقه به بیا پر طالبانو وتپل شي ځکه چې رسنۍ خو هسې هم ددوی خپلې دي او دوی یې تمویلوي نو پدې ورځ به ډیر شورماشور جوړ کړي.

Leave a Reply to qamar ali Cancel reply

Your email address will not be published. Required fields are marked *