Categories

اعلان

Loading…

د دین کمزوری تعبیر/ جمال توخی

 زه چې ماشوم وم زموږ د جومات ملا صاحب به ویل چې بغیر له الله تعالی نور هیچا ته دا نه معلومیږي چې د مور په ګیډه کې ماشوم هلک دی ، که نجلۍ. دی یو مهربان او واقعا اسلام دوست ملا و. ده به د ماشوم په اړه پاسنۍ خبره تر دې پورې کوله چې اوس بشر ډیره ترقي وکړه او الوتکې یې جوړې کړې ، مګر د مور د ګیډې د ماشوم جنسیت ورمعلوم نه شو او دا خبره په حد یث شریف کې څورلس سوه کاله پخوا راغلې وه. ملا صاحب به له خپلو دغو خبرو د دین د حقانیت د ثابتولو لپاره استفاده کوله.

 اوس چې کله میندې تلویزیوني معاینه کوي او له هغې خوا د خپل ماشوم د جنسبت په باره کې معلومات حاصلوي، ما ته د خپل کلي ملا رایاد شي او په زړه کې راتیره شي چې دی به اوس د تلویزیوني معاینو په باره کې څه وایي؟

څو لسیزې پخوا به ځینو ملا صاحبانو ویل چې سپوږمۍ ته تګ ممکن نه دی. دوی به د خپلو خبرو د ثابتولو لپاره له دیني روایاتو استفاده کوله خو کله چې وروسته اپولو سپوږمۍ ته وخته او فضا نوردانو په سپوږمۍ کې عکسونه واخیستل او د سپوږمۍ خاوره یې زمکې ته راوړه، دغه کسان چې د دیني روایاتو کمزوری تعبیر یې کاوه، حیران شول. ځینې یې چې سرزوري وو، په خپله خبره ټینګ ودریدل او دا هر څه یې دروغ وبلل. ځینو نورو سکوت اختیار کړ او دا خطره هم شته چې ځینو ته به د خپل دین د حقانیت په اړه شکونه پیدا شوي وي.

 څو کاله پخوا چې په بحر هند کې سونامي څو لکه کسان ووژل، په افغانستان کې مې له ځینو کسانو چې په ظاهرا یې د دینداري دعوه کوله، واوریدل چې دا کفارو ته د الله پاک جزا ده. خو له دې غمیزې ډیرې ورځې   نه وې تیرې چې معلومه شوه چې په هغه بحري توفان کې اکثره وژل شوي کسان ، مسلمانان وو. طبیعي حوادث د خپلې خوښې او خپلو عقدو په اساس ، خدای ته نسبت ورکول، د دین د کمزوري تعبیر یو بل مثال دی.

 ښه مې یادیږي چې یو ځوان وفات و او په جنازه کې یې یوه حاضر کس راته په غوږ کې پټ وویل چې په حدیث کې یې لوستي دي چې زناکار کسان ، ځوانیمرګیږي. دغه کس به هم دغسې مشکل درلود چې ځوانیمرګ شو. په هغه ورځ د هغه ځوان وفات دومره خپه نه کړم لکه د دغه بل کس احمقانه تعبیر.

 زه ورو ورو دې نتیجې ته رسیدلی یم چې څو پورې موږ د دین او دیني روایتونو کمزوري تعبیرونه کوو، نه به مو دین ته ګټه رسیدلې وي او نه ځانونو ته. د طالبانو په وخت کې د بامیان د بوتانو ړنګول، خلک د ږیرې په لنډولو یا نه لرلو باندې وهل او توهینول، ښځې د چادري په نشتوالي باندې ځورول، د نجونو د تعلیم مخنیوی، هندوان مجبورول چې زیړ لباس به اغوندي ، دا ټول او ټول د دین د کمزوري تعبیر مثالونه دي چې هم یې افغاني ټولنې ته تاوان ورساوه او هم یې د اسلام په باره کې د منفي تبلیغاتو زمینه برابره کړه.

 کله چې د دیني متنونو ظاهري او قشري تعبیر او تفسیر کوو او یا د خپلو شخصي عقدو او سیاسي ګټو په اساس، له دیني متنونو د خپلې خوښې معني ګانې اخلو، لویه تیروتنه کوو. په دې ورځو کې ابوبکر بغدادي وایي چې زه خلیفه یم او پلاني او پلاني ملا او امي راته بیعت کړی دی او څوک چې ما نه مني هغه باغي دی او وژل یې پکار دي. ابوبکر بغدادي خپلو دغو قتلونو او جنایتونو ته دیني جامه وراغوندي. داعش او بوکوحرام ډلې خو ان د خپلو حیواني غریزو د اشباع لپاره هم دیني تعبیرونه پیدا کړي دي. دوی وایي چې غیرمسلمانه که په لاس درشي، کنیزه ده او له کنیزې سره جنسي رابطه جایزه ده. د دغو ډلو کسانو د همدې عقیدې په اساس په سلګونو او زرګونو مسلمانې او نامسلمانې بې عزته کړې چې نن سبا ټوله دنیا ورباندې غږیږي، څوک ورته ژاړي او څوک ورته خاندي.

 که د دین جوهر ته مراجعه وکړو او خپلې شخصي ګټې، خپلې کینې او عقدې او ځاني تمایلات په نظر کې ونه نیسو، نو په دې دنیا کې د دین نهایي مقصد دا دی چې د خدای مخلوق خوشحاله ، اباد، سوکاله او د عزت ژوند وکړي. خلک یو بل ونه ځوروي او په یو بل ورحمیږي. خو کله چې له دین څخه د خپلو سیاسي تحریکونو او تنظیمونو لپاره استفاده کوو او یا په کلي او ولسوالي کې د ځان لپاره ګټه ورنه اوچتوو، نو خبره سرچپه شي. موږ ولیدل چې ځینو کسانو د مجاهد په نوم په زور ودونه وکړل، د تریاکو قاچاق یې وکړ، کوکنار یې وکرل او ځانونو ته یې بنګلې او قلا ګانې ابادې کړې. دغه شان، وینو چې ځینې کسان هر هغه شی اسلامي ګڼي چې د ده د تنظیم ګټه پکې وي. که یې په سوله کې د تنظیم ګټه وي، سوله اسلامي ده او که یې په جنګ کې ګټه وه، جنګ اسلامي دی. د ایران لپاره حزب الله اسلامي دی او د عربستان لپاره تروریست. د جمعیت اسلامي افغانستان لپاره تره کی کافر دی او طاهر بدخشي یو مبارز( د عطا نور په تلویزیون میترا  کې مې څو ځله د حزب خلق د یوه موسس، طاهر بدخشي د ستاینې پروګرامونه لیدلي دي.) د حزب اسلامي افغانستان لپاره د دوستم جنبش یوه ورځ کافر دی او بله ورځ مسلمان. د افغانستان د طالبانو لپاره له هر هغه چا سره جهاد پکار دی چې د دوی د لاسبري مخه نیسي. دوی چې څومره له داعش سره سخته جګړه وکړه، احمد شاه مسعود به له ګلبدین حکمتیار سره نه وي کړې. دغو حقایقو ته په پام سره یو ځل بیا باید په خپل ایمان غور وکړو او خپل دین د خپلو سیاسي او شخصي ګټو یا قشري او ظاهري کمزورو تعبیرونو قرباني نه کړو. و السلام

260 total views, 1 views today

1 comment

  1. مدیر Reply

    دعو خلکو کوم چی تا یادونہ وکڑہ لہ دین نہ یی چاقو جوڑ کڑی چپلہ پری هندوانی او خربوزی خوری خو چی واخت راشی بل خیٹہ پری سیری کوی. ناروی نہ

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2