Categories

اعلان

Loading…

اطلاعاتو کلتور وزارت ته پرانیستی ليک/ مجيد ژړاند 

له کله راهيسې چې لنډ مهاله اداره رامنځ ته شوه، هيواد ته د نړيوالو مخه شوه، انکشافي او پراختيايي پروژو  باندې کارونه پيل شول د خلکو  د هيلو او اميد غوټيو ګلونه ونيول.

خلک پدې باور و، چې دولت به تر ډېره  ولايتي او سيمه ایزې ادارې په پښو ودروي، زه د د ولت په ديارلس کلنو لاسته راوړنو او پرمختګونو هيڅ نه ليکم.

يواځې غواړم، د اطلاعاتو او فرهنګ وزير صاحب! ته ددې پرځای چې د ګلونو  ګېډۍ وروړم او نوموړي ته  د احترام مراتب وړاندې کړم، فقط دغه څو کرښې ليک په لفافه کې ورلېږم.

ښه به دا وي،  دغزني د فرهنګي وضعيت او په تېره بیا د اطلاعاتو او فرهنګ رياست د ناغېړۍ له امله غزنی د اطلاعاتو او فرهنګ رياست  اړوند ستونزې وليکم.

اووه کاله وړاندې د اطلاعاتو کلتور په ودانۍ په غټو تورو ليکلي و« غزني د تاريخ هغه زرينه پاڼه ده، چې نړۍ پرې وياړي»  رښتيا هم د تمدن پلازمېنې د نړۍ دغه وياړ وګټل، په دوه زره ديارلسم کال کې د اسلامي هيوادونو پلازمېنه ونومول شوه.

خلکو هيله درلوده، چې  د غزني تللې ښکلا به بېرته راستنه شي، د اسلامي نړۍ د پلازمېنې په رغولو کې به  اسلامي هيوادونه  خپلې پیسې په لګښت ورسوي.

خو هغه مهال هم د اطلاعاتو  کلتور وزارت خپله ناغېړۍ کړې ده، چې  لا اوس هم ډېر فرهنګي او تاريخي ابدات د ځنګدن سلګۍ وهي.

ښاغلی جهاني صاحب! تاسو يو ځل غزني فرهنګي وضعيت ته د خپلو سترګيو تر شا وګورئ، د اطلاعاتو کلتور په ودانۍ کې ماښام ناوخته سړی بېرېږي، داسې فکر کوي، چې زه د پېريانو پر کاله وربرابر شوی یم.

تش په نوم ريس بسم الله  شريفي هم لرو، کېدای شي، دکار سټه به وي، خو غزني لپاره د چينايي پرزې حثيت لري، چې  تراوسه د دوی له لوري داسې کوم ګام پورته شوی نه دی، چې زموږ فرهنګيانو زړه ورباندې اوبه وڅښي.

د اطلاعاتو کلتور ويجاړه ودانۍ،   داطلاعاتو او کلتور ريس نه موجوديت  ټول هغه څه دي، چې  فرهنګيانو  ته د منلو وړ نه دي.

ښاغلی وزير صاحب! کاشکې تاسو يو با صلاحيته پلاوی غزني ته راولېږئ، چې د اطلاعاتو او فرهنګ چارې په خپلو سترګو وويني، تاسو باید د غزني د ولسونو دغه ستونزې ته جدي پام وکړئ، تر څو په غزني کې  تاريخي ابدې او د نوموتو شخصيتونو مزارونه په اساسي ډول جوړ شي.

لا تراوسه هم د  اطلاعاتو او کلتور کتابتون ودانۍ  ويجاړه ده ، اوس  يواځې د خاورو په ډېرۍ بدله ده، کتابونه تر خاورو لاندې ستونزمنه سا اخلي .

کاشکې د اطلاعاتو د رياست اړوند دغه يوه ستونزه وه، شريفي صاحب په میاشت کې څلور ځله د هرې دوشنبې په ورځ غزني ته راځي، تر څو  د ولايت په اداري جلسه کې ګډون وکړي.

له اداري جلسې وروسته د پېريانو په وزرو بېرته د هيواد پلازمېنې ته تشريف يوسي،  چاپي خپرونې يې هم لکه څنګه چې ښايي هغه ډول نشته، د اطلاعاتو ويجاړه ودانۍ بېرته هم سړی د وحشتونو د دورې په لوري بیايي.

ښاغلی وزير صاحب! خپل ټول درنښتونه درته وړاندې کوم، د غزني د اطلاعاتو او فرهنګ د ودانۍ د رغولو لپاره هڅې ګړندۍ کړه، غزني ته داسې څوک راولېږه، چې هره شېبه زموږ په څنګ کې وي، زموږ ستونزو او ننګونو ته ځواب ووايي، فرهنګي فعاليتونه تر سره کړي.

که چېرې دغه چوکۍ ميراثي يا قراردادي وي، نو موږ بیا بښنه غواړو، کېدای شي، داستاسو تر صلاحيت هم لوړوي او که برعکس خبره وي، نو دغزني د ولسونو ستونزو او ننګونو ته پر وخت ځواب ووايه.

237 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2