Categories

اعلان

Loading…

د بریتانیا په ځینو دوکانونو کې د غوا متیازې پلورل کېږي

تاند- بي بي سي وايي د بریتانیا په څو دواکانونو کې یې د غوا متیازې لیدلي چې خرڅلاو ته اېښودل شوي دي.

د بي بي سي یوه خبریال توانېدلی چې په څو دوکانونو کې د غوا متیازې ومومي چې د (ګاف موتر) په نوم د هندوانو په دوکانونو کې پلورل کېږي.

د غوا د متیازو په بوتلونو باندې په هندي ژبه لیکل شوي چې انګرېزان پرې نه پوهېږي.

یوه پلورنکي وویل چې هندوان د خپلو مذهبي عقایدو پر اساس د غوا متیازې اخلي، په تېره بیا کله چې د چا په کور کې ماشوم وزېږي د تبُرک او نېکمرغه کېدو لپاره د غواړ متیازې استعمالوي.

ویل شوي چې پر دوکانونو سربېره د هندوانو مندرونو ته هم د غواوو له فارمونو څخه متیازې راوړل کېږي.

د یوه مندر مسوول ګوري داس وویل چې له ۱۹۷۰ میلادی کال راهیسي د غوا متیازې پلورل کېږي.

د مندر یوه کارکوونکي د دې پوښتنې په ځواب کې چې د غوا د متیازو خوند څرنګه دی، وویل:«یو څه ترخې او تر یوه حده د درملو په شان دي.»

ده وویل چې د ورځې ۳ ځلې د غوا متیازې څښي ځکه د ده په وینا هاضمې ته ګټورې دي.

په همدې حال کې د بریتانیا د خوراکي موادو د ستندرد ادارې په یوه اعلامیه کې وویل چې د څښاک لپاره د غوا د متیازو پلورل غیرقانوني دي.

69 total views, 1 views today

3 comments

  1. Zarghoon Reply

    بیشکه خومره چی د اسلام خخه لر کیزی وحشت دی

  2. توریالی بشری تنکیوال Reply

    غیراسلامی کار دی دطب لحاظ ځانی توانونه هم لری که څوک یی په لابراتوار کی ښه وڅیړی بیا به ورته معلوم شی.

  3. ن.صافی Reply

    دوی کله کله په خپل خدای په محکمه کی شکایت کوی نورهم عجیب کارونه کوی دوی هم ددی متیازو مستحق دی په خوند خونددی خوری

Leave a Reply

Your email address will not be published. Required fields are marked *