Categories

اعلان

Loading…

په دې ورځ د روسیې دوهم څار ووژل شو

تاند(مارچ۱۳) له نن څخه ۱۳۶ کاله پخوا د ۱۸۸۱ کال د مارچ په دیارلسمه د روسیې دوهم څار(تزار) په داسي حال کې چې د سینت پیترزبورګ ښار په یوه واټ کې په شاهي بګۍ کې تېرېدو، د تروریستانو له لوري په لاسي بمونو ووژل شو.

دوو تروریستانو له دوو خواوو د دوهم څار د بګۍ لور ته بمونه واچول.څار د مړینې په وخت ۶۳ کلن وو.

دوهم الکساندر د خپلې پاچهۍ په ۲۶ کلنه موده کې په روسیه کې مهم اصلاحات راوستل چې تر ټولو لوی یې په هیواد کې د رعیتي سیستم پای ته رسېدا وه.

ده چې د کریمیا د ترخې جګړې خاطره په یاد لرله وپتېیله چې د مخکیني پاچا یا څار (لومړي نیکولای) ظالمانه تګلارې پرېږدي.

په هماغه وخت د روسیې نفوس شپېته ملیونه وو چې پنځوس ملیونه یې بزګر ول. درست بزګر رعیت وو ، چې نیمايي یې په دولتي مځکو او نورو د یولکو اربابانو یا اشرافو په مځکو کې سخت کار کاوه.

10 total views, 2 views today

Leave a Reply

Your email address will not be published. Required fields are marked *