Categories

اعلان

Loading…

طالبان وايي، د سولې په خبرو کې ګډون نه کوي

تاند- وسله والو طالبانو نن /شنبه/ په یوه خبرپاڼه کې وویل چې د سولې په خبرو اترو کې ګډون نه کوي.

د افغانستان، پاکستان، امریکا او چین له څلوراړخیزو غونډو وروسته اعلان وشو چې د مارچ میاشتې په لومړیو کې به په پاکستان کې له طالبانو سره د افغانستان د حکومت استازي مخامخ خبرې وکړي.

طالبانو په دې اړه په تېره یوه میاشت کې هیڅ راز غبرګون نه و ښوولی خو نن دې ډلې په زغرده وویل چې د اسلام اباد د سولې په خبرو کې ګډون نه کوي.

په دې خبرپاڼه کې، چې ذبیح الله مجاهد رسنیو ته لېږلې ده، د سولې په خبرو کې د نه ګډون علت د امریکايي پوځیانو له لوري د شپې عملیات، هوايي بمبارۍ او د افغان امنیتي ځواکونو له لوري د جګړو تشدید بلل شوی دی.

« دا چې له یوې خوا امریکایان افغانستان ته نوي تا زه دمه ځواکونه را لیږي،  په مختلیفو جبهو کې  لاهم هوایې بمباردته دوام ورکوي او دشپي په چاپو کې  په خپله ونډه اخلي, له بلې خوا دکابل ادارې په مختلیفو ولایتو نوکې جګړي پرا خي کړي دي او په سره ژمي یې په زرګونو کورنۍ دخپلو مېنو پرېښو دو ته اړ ایستلي دي,  ورسره په څنګ کې دمذاکراتو او څلور اړخیزو غونډو جریان او تبلیغات هم ښه په قوت کې روان دي, دغه دوه متضاد حرکتونه په داسې حال کې جریان ته لویدلي دي  چې داسلامي امارت سیا سي دفتر دمذاکراتو په اړه په جر یان کې نه دی اچول شوی او نه هم دافغاني مطرحو شخصیتونو غوښتني په پام کې نیو ل شوي دي.»

په خبرپاڼه کې ټینګار شوی چې د طالبانو مشر ملا اختر محمد منصور د طالبانو په استازیتوب هیچا ته د سولې په څلور اړخیزو خبرو کې د ګډون اجازه نه ده ورکړې.

په خبرپاڼه کې ویل شوي، تر څو چې بهرني پوځیان له افغانستانه وتلي نه وي، له تور لیسته د طالبانو د مشرانو نومونه نه وي ایستل شوي او طالب بندیان خوشي شوي نه وي، خبرې نتیجه نه ورکوي.

دا په داسي حال کې ده چې د سولې خبرې د دې لپاره کېږي چې په ترڅ کې یې ښکېلې خواوې پر خپلو شرطونو باندې چېنې ووهي.

پاکستاني چارواکو ویلي چې ډېرې حربې لري چې د هغو په وسیله طالبان د جګړې بس کولو او د سولې خبرو ته حاضرولی شي.

دوی ویلي، لږترلږه د طالبانو مشران او د هغوی د کورنۍ غړي له خپلې خاورې ایستلی شي.

همداراز د افغانستان او پاکستان استازو په څلور اړخیزو غونډو کې موافقه کړې چې که هره ډله خبرو او سولې ته نه حاضرېدله، په ګډه به یې پر ضد عملیات کوي.

525 total views, 3 views today

6 comments

  1. رفیع الله Reply

    دا پنجابیان هم بلا کوی ، غله ته وایی غلا کوه او د کور څښتن ته وایی ويی نیسه چی غل درغي . حتما له کاسی لاندی کومه نیم کاسه شته ، خو زما په ګمان د ټالیبانو ورکاوي لکه چی راغلی ، پنجاب غواړی ځان لدې شرمه خلاص کړی او له بلی خوا به یوڅو ملاضعیفان بیا ګوانتانامو ته وليږی تر څو د یو دو کلونو بودجه تکمیله کړی.

  2. مسلمیار Reply

    « جهاد افغانستان ، دفاع پاکستان ده» . که په افغانستان کې جنګ څومره اوږد شی د پاکستان ژوند به هغومره اوږد وی.
    باید وویل شی چی افغانستان یو مستقل هیواد دی ، خپل انتخابی ولسمشر ، اساسی قانون ، کابینه او وزیران لری ، په ملګرو ملتونو کی یی بیرغ لوړ او رپانده دی.
    که کوم هیواد اشغال شی ، نو بیا پورته ذکر شوی نښی نه لری. لکه کشمیر چی د هند او پاکستان له خوا اشغال شویدی یا تبت د چین له خوا ، فلسطین د اسراییلو له خوا .
    د نړۍ له سلو ډیر هیوادونه د افغانستان قانونی او رسمی دولت په رسمیت پيژنی، حال داچی د طالبانو واکمنی یواځی دریوو هیوادونو په رسمیت پيژندلی و، د طالبانو ادعا کاملا بی اساسه ده ، دوی د خپل هیواد خلک وژنی ، اقتصادی تاسیسات ورانوی ګټه یی یواځی مغرضو ګاونډیو ته رسیږی. نور خپل ځانونه او هیواد وال مه په کړاو کوی.

  3. سلیمان Reply

    ذبیح الله خان ډير په زړه پورې غوښتنې لري: په دوی دې بمبار نه کیږي، په دوی دې عملیات نه کیږي. نو معنی دا چې دوی دې پریښودل شي چې د افغانانو په وینو خپله تنده سړه کړي او خپل تور بادار خوشحاله کړي. که دا دوه سری دولت درسره سوله هم وکړي نو بیا هم افغانان ستاسو نه کرکه لري او خپل غچ به حتمي اخلي. ځکه تاسو وحشیانو ډيرې میندې بورې او کونډې کړي.
    افغان دولت هم سهوه کوي چې ددوی سره د سولې خبرې کوي، دوی خو غلامان دي باید ددوی د بادار پاکستان سره خبرې وکړي. ځکه چې بادار وي د مریي حق نشته چې ځان په سړو کې شمار کړي. کله چې ازادي واخلي او د غلامۍ ځنځير د غاړې وغورځوي نو بیا امکان شته چې د خبرو جوګه شي.

  4. منیب احمد Reply

    ماشاءالله دطالبانو پدې اعلان خو مې زړه یخ شو، پاکستان ، امریکا او افغان حکومت خو عملا دطالبانو سره په جګړه کې ښکیل دي څلوراړخیزې غونډې هیڅ مفهوم نلري ، اوس به ان شاءالله امریکا او دامریکا غلامان محوه کیږي. طالبه په زړه کې مې ځای درکړو. ژوندی دې یې سرلوړی دې یې او تل دې په دیموکراتانو او وطن پلورونکو له خدایه بریالی غواړم ستاسو پدې اعلامیه باندې داسلام او افغانستان د دښمنانو زړونو وڅیرلی شول . او دمسلمانانو زړونه مو وګټل.

  5. حماد Reply

    طالبان که رښتیا ووایو : معقولې غوښتنې لري، که امریکا سولې ته ژمنه وي د دوی غوښتنې منل ورته ګران کار نه دی، یواځي په کمزوریو پسي بد رد ویل خلګوته آسانه دي زوراور ته نو څه نه شي ویلای.

  6. هلال Reply

    طالبانو افغانستان تبا او برباد کړ، طالبانو په افغانستان کې د پاکستان ارمانونه پوره کړل د یو څو مثالونه به زده درته ووایم:
    – سوونه ښوونځي يي تړلي ساتلي او لکونه افغانان یې له زده کړو محروم کړل
    لسګونه زره بی ګناه افغانان یی ووژل
    د افغانستان د پرمختګ مخه يي ډب کړه
    په سوونو مشراان او مخور چي د لوی افغانستان طرفداران وو هغویی ټول شهیدان کړل
    د طالبانو له لاسه پاکستان د ډیورنګ کرښه نږدې ده چې پر افغانانو یی ومني او دغه لوی ټبر په سینه کي نیمایی کړی
    طالبانو دپرویز مشرف د هغو ارمان لپاره کار وکړ چي بوش ته یی ویل چي پښتانه ډیر شریر قوم دی له یوی خوا یی تاسی وهی او له بلی خوا به یی موږ ووهو
    ته لږ دا تیرو ۱۵ کلونو ته فکر وکړه چي طالبانو څوک تبا کړل
    پښتانه یی له مکتب او علم څخه محروم کړل
    پښتناه مشران یی ووژل
    پښتانه یی له ښارونو وویستل
    پښتانه یي د فقر او بیوزلۍ منګلو ته ور ټیل وهل
    چيری پشتون کلی دی هلته یی جګړه ور وړه
    ای افسوس ستاسی په منطق

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2