Categories

اعلان

Loading…

د افغانستان او روسیې د اقتصادي همکاریو د ګډ کمیسیون دریمه ناسته

خبرپاڼه –

د افغانستان د مالیې وزیر ښاغلي اکلیل حکیمي او د روسیې هیواد د انرژۍ مرستیال وزیر ښاغلي یوري سینتیورین نن په کابل کې د یو مطبوعاتي کنفرانس په ترڅ کې د افغانستان او روسیې هیواد د اقتصادي او سوداګریزو همکاریو د ګډ کمیسیون د دریمې ناستې د پایلو په اړه رسنیو ته معلومات ورکړل.

په دې دوه ورځنی ناسته کې د دواړو هیوادونو د کارپوهانو ترمنځ د سوداګرۍ، انرژۍ، ترانسپورټ، صنعت، لوړو زده کړو، زیربناؤ، کانونو او کرنې په اړه بحث او خبرې وشوې.

د مالیې وزیر د روسیې هیواد د همکاریو او نیک نیت څخه ستاینه وکړه او د دواړو هیودونو ترمنځ د سوداګریزو، اقتصادي او ټولنیزو اړیکو په اړه یې وویل: له افغانستان سره د روسیې هیواد د پورونو په اړه مثبت پرمختګ شوی دی چې روسیه به خپل پورونه د وړیا مرستې په توګه بدل کړي. ده زیاته کړه چې د روسیې هیواد کمپنۍ چې ښې تخنیکي تجربې لري کولی شي د افغانستان په اقتصادي پرمختګ کې اغیزمن رول ولوبوي. د روسیې هیواد د اندستري او د کور جوړولو له شرکتونو سره خبرې شوي دي چې په افغانستان کې پانګونه وکړي.

د روسې هیواد د پلاوي مشر او د انرژۍ مرستیال وزیر ښاغلي یوري سینتیورین دمالیې وزیر څخه د مننې ترڅنګ وویل: د هغه ګډو تاریخي اړیکو له مخې چې موږ یې له افغانستان سره لرو، روسیه د افغانستان د پرمختګ او هوساینې ته ژمن دی او دغه ناسته په دې برخه کې یو مثبت ګام دی.

د افغانستان او روسیې د ګډ کمیسیون په دوه ورځنی ناسته کې د افغانستان او روسیې ترمنځ د اقتصادي همکاریو په اړه د مالیې وزیر ښاغلي اکلیل حکیمي او د روسیې هیواد د انرژۍ مرستیال وزیر ښاغلي یوري سینتیورین ترمنځ یو پروتوکول هم لاسلیک شو.

د ناستې په پای کې د مالیې وزیر او د روسیې هیواد د انرژۍ مرستیال وزیر له خوا د رسنیو پوښتنو ته ځوابونه وویل شو.

د یادونې وړ ده چې د افغانستان او روسیې هیواد د اقتصادي همکاریو د ګډ کمیسیون دویمه ناسته د وږې میاشتې په ۱۲ مه په کابل کې او لومړۍ ناسته یې په مسکو کې جوړه شوې وه.

8 total views, 1 views today

Leave a Reply

Your email address will not be published. Required fields are marked *