Categories

اعلان

Loading…

تر ټولو د اوږده هوايي سفر ریکارد ټینګ شو

تاند- ایربس (A380) الوتکې له دوبۍ څخه د نیوزیلنډ تر پلازمېنې اکلنډ پوري په بې وقفې الوت سره د نړۍ تر ټولو د اوږدې الوتنې ریکارد ټینګ کړ.

دا الوتکه د چهارشنبې په ورځ د ۱۴ زره او ۲۰۰ کیلومتره مزل له بشپړولو وروسته له دوبۍ څخه اکلنډ ته ورسېده.

دا الوتکه به بېرته دوبۍ ته ستنېږي او بیا به همدومره مزل په ۱۷ ساعته او ۱۵ دقیقو کې کوي.

تر دې پخوا د استرالیا د هوايي شرکت یوې الوتکې ۱۳ زره او ۸۰۰ کیلومتره مزل د دغه هیواد له سیدني څخه د امریکا تر باستن پوري کړی و.

په پام کې ده، روانه اوونۍ د امارت هوايي شرکت یوه بله الوتکه له دوبۍ څخه د منځنۍ اسیا د پاناما تر پلازمېنې پاناما سیټي پوري وکړي. دا الوت به ۱۷ ساعته او ۳۵ دقیقې دوام وکړي.

71 total views, 1 views today

2 comments

  1. As niazi Reply

    جهازیوبی اعتباره شی دی پکارنده چه دومره اوږدسفر وکړی پدی کی ډیرمسافر هم وی دمرګ خطرپکی زیات وی

    1. تاند Reply

      الوتکه بې اعتباره نه ده. که یوه الوتکه ولوېږي خبر یې په درسته نړۍ کې خپرېږي ځکه موږ فکر کوو چې الوتکې ډېرې لوېږي. خو د موټرو که هرڅومره زیاتې پېښې کېږي، څوک پرې نه خبرېږي.

Leave a Reply

Your email address will not be published. Required fields are marked *