Categories

اعلان

Loading…

د کابل په شمول د افغانستان په یو شمېر سیمو کې د زلزلې ټکانونه احساس شول

تاند- نسبتاً زورورې زلزلې نن د پلازمېنې کابل په شمول د افغانستان ختیځ او شمال ختیځ ولایتونه ولړزول.

د امریکا د زلزله پېژندنې د ادارې له اټکل سره سم د دې زلزلې، چې ماسپښین مهال وشوه، شدت د ریښتر په کچه ۵ اعشاریه ۵ درجې و.

دا اداره همداراز وايي چې د زلزلې مرکز د بدخشان ولایت په جُرم ولسوالي کې ۱۷۶ اعشاریه ۷ کیلومتره تر مځکې لاندې و.

تراوسه پوري د دې زلزلې په وجه د سر و مال د تاوانونو په اړه څه نه دي ویل شوي.

دې ته په پام چې د زلزلط مرکز د تاجکستان او پاکستان پولو ته نژدې و، ګومان کېږي چئې د دغو دوو هیوادونو په یو شمېر څنګلورو سیمو کې به هم د زلزلې ټکانونه احساس شوي وي.

تر دې مخکې د جنورۍ په ۱۳ مه نېټه په ورته سیمه کې زلزله شوې وه چې شدت یې ۵ اعشاریه ۶ ریښتره و.

تر هغه مخکې په اکتوتر میاشت کې سختې زلزلې، چې شدت یې د ریښتر په حساب ۷ نیم درجې و، په افغانستان او پاکستان کې د سر ومال زیات تاوانونه پېښ کړل.

———————-

زلزله څه ده؟

41 total views, 1 views today

Leave a Reply

Your email address will not be published. Required fields are marked *