Categories

اعلان

Loading…

هغوی چې غله او مفسدین دي/ رومان زرمتی

   ستاسې له سیمې نه یم خبر، خو زموږ په سیمه کې هغوی چې غله او مفسدین دي، هغوی چې رشوتخواره دي، هغوی چې قاچاق وړونکي دي، هغوی چې د پردیو لاسپوڅي دي، هغوی چې له نامشروع لارو یې ډیرې شتمنۍ ترلاسه کړې دي. په خلکو کې د عزت خاوندان دي. هغوی حاجیان دي، هغوی خلکو ته خیر رسونکي ښکاري، هغوی سخیان دي، خلک یې درناوی کوي.

هغوی چې غله دي، هغوی چې له ناسمو لارو یې ډیرې پیسې ترلاسه کړې دي ځینو یې خیریه ټولنې جوړې کړې دي او کله کله له هغو خلکو سره چې ددوی خوښ وي مرستې هم کوي. د خپلو مرستو رپوټونه په رسنیو کې خپروي. هغه خلک چې دوی پیژني، فکر کوي چې دادی اوس ښه شوي دي د ټولنې خیر رسوونکي کسان ترې جوړ شوي دي. هغوی چې دوی نه پیژني فکر کوي چې ددې وطن ترټولو ښه او مهربانه خلک همدوی دي.

نه پوهیږم ستاسې په سیمه کې غلو او مفسدینو ته خلک په کومه سترګه ګوري، زموږ په سیمه کې خو ورته په درنه سترګه ګوري. هغوی چې د غلا، اداري فساد، بهرنیانو ته د جاسوسي له لارې او د قاچاقو له لارې د افسانوي شتمنیو خاوندان شوي دي. که له یوې خوا نه یوازې  ځینې حکومتي ادارې ورسره سازش او ګوزاره کوي بلکې د هغوی هره خبره مني له بلې خوا یې خلک هم نه یوازې غله او مفسدین نه بولي بلکې احترام یې کوي.

یو وخت به که کوم دولتي چارواکي یا کوم خان او ملک رشوت اخیست په خلکو کې به په بد نامه مشهور و، اولادونو ته به یې پیغورونه ورکول کیدل. خو اوس په ټولنه کې اخلاقي انحطاط دې حد ته رسیدلی چې رشوت خور او مفسد نه یوازې بد نه ګڼل کیږي بلکې ترنورو یې احترام هم کیږي. اوریدلي به مو وي چې ځینې خلک وایي پلانکی ډیر تکړه او هوښیار سړی دی، په پلانکۍ دنده کې یې ښې ډیرې پیسې پیدا کړې، خپل ژوند یې جوړ کړ د خپل اولاد د آینده غم یې وخوړ.

خو هغوی چې پاک نفسه دي، وطن او خلک پرې ګران دي، رشوت نه اخلي، غلا نه کوي ، له دولتي واک څخه ناوړه ګټه نه اخلي، په ادارو کې د خپلو خپلوانو او ملګرو پر ځای  وړ او مسلکي کسان مقرروي، زیاتره خلک اوس هغوی کم عقلان ګڼي. زموږ د خلکو دې ډول طرز فکر زموږ په ټولنه کې غله او مفسدین نور هم سپین سترګي کړي او اوس ورته نامشروع کارونه مشروع ښکاري، وایي:

څراغ یې لګي تر سهاره دلته

څوک ناروا ته ناروا نه وایي

څو زورور مو په سرو ولاړ دي

خو ورته هیڅ زموږ پاچا نه وایي

له فساد غلا او رشوت څخه ځان ساتل که له یوې خوا دیني وجیبه او قانوني جبر او مسوولیت دی له بلې خوا اخلاقی خصلت هم دی. چې د هرسلیم عقل خاوند ددې لپاره چې په ټولنه کې خپل اعتبار ته زیان ونه رسوي، باید ترې ځان لیرې وساتي. خو زموږ د اوسنۍ  ټولنې مفسدینو ددې ټولو لپاره ځان ته لارې پیدا کړې دي. مفسدین او رشوتخواره تر ټولو دمخه په منډه جومات ته ځي، لمونځ په جماعت ادا کوي. خلک یې هم مفسدین نه بلکې دینداره کسان ګڼي.

زموږ د سیمې مفسدین او رشوتخواره ، زموږ د جومات ملا ته تل ډیرې پیسې ورکوي. په کورونو کې اکثرآ د قرآن عظیم الشان ختمونه کوي او ملا صاحب او نورو قاریانو ته لونګۍ او جامې ورکوي، زموږ ملا صاحب هم پخپلو وعظونو کې د رشوتونو، غلاوو او اداري فساد په اړه هیڅ نه وایي. یو ځل خلکو یو بل ملا راووست. نوي ملا د مازدیګر له لمانځه وروسته د رشوتخورو په اړه وعظ وکړ زموږ د جومات مفسدینو سبا هغه جومات ته راپرې نه ښود او بیرته یې زوړ ملا راووست. اوس زموږ په جومات کې غله او رشوتخواره په لومړي صف کې په لمانځه ولاړ وي او زموږ د سیمې ترټولو دینداره او له ګناه پاک کسان همدوی بلل کیږي.

دغه مفسدین خو ټولو ته معلومه ده چې له قانوني څار څخه بې غمه دي. ځکه دوی دومره زر او زور لري چې هر څوک ورته احتیاج دي. پاته شوه د اخلاقي وجیبې خبره.

پخوا به ځکه ډیرو کسانو له رشوت او غلا او نورو ناروا کارونو ډډه کوله چې خلکو به دغو کارونو ته ناروا ویل. او دا متل عام و چې د ناروا څراغ تر ګهیځه نه لګیږي. اوس ډیری خلک ناروا ته روا وایي ځکه خو د ناروا څراغ تر سهاره بل دی. رشوتخواره او غله له دې درکه هم بې غمه دي. نه یوازې خلک بد نه ورته وایي بلکې زیاتره دغه غله او مفسدین تکړه، ښه او هوښیار خلک بولي.

نو آیا موږ پخپله د فساد او منکر کارونو په زیاتوالي کې برخه نه ده اخیستې؟

172 total views, 2 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2