Categories

اعلان

Loading…

د ځوانانو چارو معینیت په ټولو ولایتونو کې د څارندوی ډلې جوړ وي

که څه هم د ځوانانو چارو معینیت په بیلا بیلو اړخونو کې کار کوي، خو اوس یې له ځینو ځوانانو سره په دې هم کار پیل کړی دی چې د کابل په شمول په ګرد افغانستان کې د څارندوی ډلې جوړې کړي څو په بیړنیو حالاتو کې د هیوادوالو لاس نیوی وکړې او جامعې ته د خدمت مصدر وګرځي.

شاوخوا اویا کاله کیږي چې په افغانستان کې د څارندوی ډلې په ښونځیو کې جوړې شوې او بیا قدم په قدم  دغه ډلې نورو سیمو ته هم ورغزیدې چې ډيرې ښې او مثبتې نتیجې یې هم ورکړې. خو د وخت ناخوالو د افغانستان د نورو سکتورونو ترڅنګ څارندوی ته هم ډير زیانونه واړول او هغه منظمې ډلې یې ترډیره ختمې کړې.

خواوس یو ځل بیا د اطلاعاتو او فرهنګ وزارت د  ځوانانو چارو معینیت او د معارف وزارت په ګډه سره هلې ځلې پیل کړیدي، ترڅو د افغانستان څارندوی د لاښو او ملي کارونو د پاره په یوه منظم چوکاټ کې سره راټول او د اجتماعي کارونو د پاره یې  په یوه مرکزي نقطه سره راغونډ کړي.

په همدې موخه د ښونې او روزني له جناب وزیر صاحب سره هم د سکاوټس غړیو لیده کاته وکړل او پریکړه وشوه چې د سکاوټس په اړه به د افغانستان د پرمختګ د پاره یو ځای او په منظم ډول خپلې چارې پرمخ بیا یي.

همداشان د افغانستان څارندوی چې اوس مهال ډیری مالي لګښتونه د پارسا موسسې څخه ترلاسه کوي. د نوموړي ادارې مشرې میرمن آغلي مورني ګیستیف سن د ځوانانو چارو له معین ښاغلي ډاکتر کمال سادات سره د څارندوی د لاښه والي په اړه خبرې اترې سره وکړې.  میرمن ګیستیف سن وه ویل چې په نورو پرمخ تللو هیوادونو کې هم سکاوټس یا څاروندوی شته دي او بیړنیو حلاتو کې له هیواوالو سره ښې مرستې او کمکونه هم کوي. میرمن هیله څرګنده کړه چې په افغانستان کې هم سکاوټس ښه وده وکړي ترڅو د نورو دولتي او غیردولتي ادارو ترڅنګ د سکاوټس غړي هم دافغان ولس د خدمت مصدر وګرځي. نوموړي دا خبره هم وکړه چې که سکاوټس ښه وده وکړي او تکړه تکړه ځوانان پکې غړیتوب ترلاسه کړي، دافغان ولس د درد دوا کیدایشي.

همداشان پدې ناسته کې دځوانانو چارو معین ډاکتر کمال سادات هم د څارندوی په تاریخ او د څارندوی په اهمیت رڼا واچوله او په اوسنیو حلاتو کې د څارندوی شتون اړین وباله. د ځوانانو معین ښاغلي ډاکتر سادات له ځوانانو وغوښتل چې په څارندوی کې خپل نومونه ولیکي او څارندوی غړي شي، ترڅو د افغانستان خلکو ته په هرځای او په وخت کې د خدمت وکړایشي.

د ځوانانو معین دا خبره هم وکړه چې دوی به پدې عملا کار پیل کړي، څو په هرولایت او آن په هره ولسوالی کې د څارندوی منظمې ډلې جوړې کړي.

288 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2