Categories

اعلان

Loading…

پاکستان له افغانستان سره په تعلیمي او روغتیايي برخو کې د ۵۰۰ ملیون ډالرو مرستې پلان اعلان کړ

تاند- د پاکستان د پلان، پراختیايي چارو او اصلاحاتو وزیر پروفیسر احسان اقبال نن /پنجشنبه/ وویل چې حکومت یې د افغانستان لپاره د ۵۰۰ ملیون ډالرو په ارزښت د روغتیا، زده کړې او زېربنا پروژې پیلوي.

ده وویل، د دې پروګرام پر اساس به د پاکستان په بېلابېلو پوهنتونونو کې تر ۳۰۰۰ زیات سکالرشیپونه افغانانو ته ورکړای شي او ۱۰۰ افغان محصلان به د لاهور په منجمینټ ساینس یا اداري علومو او نورو تخنیکي پروګرامونو کې ومنل شي.

ښاغلي اقبال دا څرګندونې پاکستان ته په سفر ورغلي افغان پلاوي ته وکړې. په افغان پلاوی کې د ملي شورا غړي، محصلان او د مدني ټولنې غړي شامل دي.

پاکستاني وزیر یادونه وکړه چې د دغه هیواد صدراعظم محمد نوازشریف په افغانستان کې د سولې، سوکالۍ او له دغه هیواد سره د دوستانه اړیکو په اړه څرګند نظر لري او هغه کلیدي بولي.

ده همداراز وویل، افغانستان او پاکستان ګډ برخلیک لري او باید په سیمه کې د سولې او ثبات لپاره په ګډه کار وکړي.

پروفیسر اقبال د افغانستان او پاکستان د استادانو، پوهانو، هنرمنانو، سوداګرو او نورو ترمنځ د پراخې تبادلې او تګ راتګ پر اړتیا تاکید وکاوه.

ده د دوو هیوادونو د خلکو ترمنځ پر راشه درشه خوښي ښکاره کړه، ویې ویل، دا به په دواړو هیوادونو کې له کلتوري او اقتصادي ودې سره مرسته وکړي.

د پاکستان د پلان، پراختیايي چارو او اصلاحاتو وزیر وویل:«موږ باید د افغانستان او پاکستان په اړیکو کې یو نوی باب پیل کړو چې د دوستۍ پر ټولنیزو او اقتصادي اړخونو تمرکز ولري.»

ده وویل چې دواړه هیوادونه د سلګونو کلونو ګډ تاریخ لري او د افغانستان د سولې تر ټولو زیاته ګټه پاکستان ته رسېږي.

دغه پاکستاني وزیر د افغانستان په چارو کې د نه مداخلې ژمنه وکړه، ویې ویل چې که هر هیواد له مصیبت او ستونزې سره مخامخ شي، بل ورڅخه نه شي خوندي کېدای. ده تروریزم، افراطیت او سختدریځي د دواړو هیوادونو ګډ دښمن وباله.

پاکستاني رسنیو نه دي ویلي چې پاکستان به ۴ زره سکالرشیپونه په څومره موده کې افغان محصلانو ته ورکړي.

د پاکستان دا مرسته، چې د دغه هیواد اقتصادي توان ته پام خورا سخاوتمندانه کومک دی، د افغانستان په وړاندې د پاکستان په دریځ کې جدي بدلون ته هیلې غوړوي.

9 total views, 1 views today

4 comments

  1. شپون Reply

    بس طموږ د کلجر ورانول شوع

  2. mir ajmal Reply

    کمک ها ی باکستان به افغانستان هیچ دردی افغان ها درمان نه خواهد کرد باکستان روزنه ده ها هم وطن ما را به خاک خون
    یک سان میکند و از سوی دیگر اعلام کمک به مردم افغانستان جای بسیار …….. خنده ……………….. و شرم است مردم افغانستان حال بیدار است .

  3. abdulwali mamozai Reply

    سلامونه دوستانو گه چیری افغان حکومت خپل زدکونکی پاکستان ته ولیکی دا به یو بله خته تیر وتنه وی پاکستان په افغانستان کی په نوم سره مکتب نه غوری چی وی پاکستان دی زمونکه مکتبونه په داخل دی افغانستان کی جور پریکدی پاکستان چی مه دی خراب اقتصاد کی ما ته 50 ملیونه دالر رکوی دی دومره شه سری شو نه 1000شیطانان مری شوی بیا یو پاکستانی تر ی پیداشوی د افغانستان یو زوان ته باید اجازه ورنکری شی چی پاکستان ته د تعلیم لپاره لار شی بی تعلیمه دی پاتی شی نه غلام

  4. dawud Reply

    دایې بله مداګري ده

Leave a Reply

Your email address will not be published. Required fields are marked *