Categories

اعلان

Loading…

د مولانا صاحب حیرانتیا/ شهاب الدین بغلاني

د تیرې یکشنبې په ورځ د اسلام اباد د لال مسجد امام، مولانا عبدالعزیز خبریالانو ته وویل :« د حیرانۍ ځای دی چې د پاکستان حکومت د اسلام د سرلوړۍ لپاره جهادیان روزي او کله چې همدا جهادیان په پاکستان کې د اسلامي نظام تطبیق وغواړي نو دا بیا د پاکستان د حکومت خلاف اقدام ګڼل کیږي.»

د مولانا صاحب حیرانتیا په ځای ده. دی په خپل هیواد کې دوه متفاوت حالتونه احساسوي. مولانا صاحب ته په کلونو کلونو ویل شوي دي چې ځوانانو ته د جهاد کولو سبق ورکړئ او په کشمیر او افغانستان کې یې وجنګوئ، ځکه چې هلته باید اسلامي نظام حاکم شي. لکه څنګه چې اسناد ښیي، د ده مدرسې د شوروي په خلاف د جهاد په کلونو کې د زلمو په ټریینګ او جهاد ته استولو کې فعاله برخه لرله. په هغه وخت کې د مولانا عبدالعزیز پلار مولانا عبدالله د لال مسجد امام و. مولانا عبدالله په ۱۹۹۸ کې ترور شو او زامن یې، مولانا عبدالرشید او مولانا عبدالعزیز ، ځای ناستي شول.

  دغه دوه وروڼه چې د پاکستان استخباراتو په کلونو کلونو استعمال کړي وو، په دې نه پوهیدل چې د پاکستان حکومت چې کوم حالت په کشمیر یا افغانستان کې غواړي، هغه یې په پاکستان کې پکار نه دی، ځکه پاکستان باید ترقي وکړي، ښځې او نارینه دواړه باید پکې تعلیم یافته شي،له دنیا سره باید ښه روابط ولري او اقتصادي وده یې جاري وي. دغو وروڼو فکر کاوه چې که په درو وهل، په خپل سر عدالت جاري کول او د خلکو په ښځو باندې کلانکاري کول په کشمیر او افغانستان او قبایلو کې ښه کار وي نو په اسلام اباد کې هم باید همداسې وشي. هماغه وو چې په ۲۰۰۷ کال کې یې د خپلې مدرسې طالبان وهڅول چې په اسلام اباد کې په اصطلاح شریعت جاري کړي. دغه شي د پاکستان چارواکي دومره په قهر کړل چې په مدرسه یې حمله وکړه او تر سلو زیات طالبان او طالبانې او مدرسان یې ووژل. په وژل شویو کې مولانا عبدالرشید هم شامل و چې د ښځو د برخې د لیلیې په زیرزمیني کې یې مړی وموندل شو.

  دغه بل ورور، عبدالعزیز، چې ژوندی پاتې شو، تر اوسه پورې په دې نه دی پوه چې کوم نظام افغانستان ته غوښتل کیږي، پاکستان ته ولې مناسب نه دی بلل شوی؟

 د ملا عبدالعزیز غوندې زموږ جهادي مشران هم په دې نه شول پوه چې که ضیا الحق افغانستان ته یوازې ږیره ور کسان مشران مناسب ګڼي نو خپله او د ده نور جنرالان ولې ږیره نه پریږدي ؟  جنرال حمید ګل به تر مرګه پورې چیغې وهلې چې طالبان په سمه لار روان دي خو نه یې ږیره پریښوده، نه یې نیکټایي او دریشي هیره کړه او نه یې دا شوق وکړ چې د پاکستان په موزیمونو کې تاریخي بوتان مات کړي.

 د پاکستان په لومړنۍ کابینه کې چې محمد علي جناح جوړه وه، خارجه وزیر سر ظفرالله خان یو قادیانی و او عدلیه وزیر جوګیندرا نات مندل یو پاکستانی هندو و.

 د پاکستان مشرانو د ځان لپاره یو معتدل اسلام چې ټولنه پکې ترقي کولای شي، مناسب ګاڼه خو د افغانانو لپاره یې د اسلام په نوم یو داسې څه غوښتل چې په ټولنه کې د فقر، بیوزلي، اختلاف، توهین او تحقیر سبب کیږي.

 ملا عبدالعزیز به تر هغو پورې همداسې حیران وي چې خپلې اشتباه ته نه وي متوجه شوی خو که خدای کول زموږ طالبان نور نو په پاکستان نه غولیږي. د قطر د دفتر په هغه وینا کې چې د پګواش د غونډې لپاره واورل شوه، د عقل او منطق خبرې ډیرې وې. طالبانو په دې وینا کې نه له سولې سره مخالفت وکړ، نه له خارجي روابطو سره او نه د ښځو له حقونو او د مختلفو حزبونو له شتون سره. د شریعت د جاري کولو په برخه کې یې هم ډیره منطقي خبره کړې ده او ویلي یې دي چې یو داسې اسلامي نظام غواړي چې له نورو افغانانو سره په مصلحت باندې رامنځ ته شي.

د نورو نظر ته احترام لرل او په شریکه او د رایو په اتفاق یا اکثریت باندې فیصله کول، د اسلامي ټولنې بنیادي اصل دی. که یوه ډله صرف ځان ته مسلمانه وایي او صرف هغه خبره د خدای خبره ګڼي چې د دوی زړه یې غواړي، نو هاله بیا د خیر ځای شر او د حق ځای باطل نیسي. داعش ډله په همدې شیطاني لاره روانه ده چې د مسلمانانو ډیرې وینې یې وبهولې. خدای دې وکړي چې طالبان او په ټوله دنیا کې اسلامي تحریکونه او تنظیمونه د سولې ، د مصلحت او د نورو د زغملو لاره خپله کړي او اسلامي دنیا له روان بحرانه را وباسي.

افراطي ډلو اسلام او مسلمانانو ته دومره صدمه رسولې ده چې هیڅ یهود او نصارا نه ده رسولې. اسناد او ارقام راواخلئ او له ځانونو وپوښتئ چې ایا یهودو په تیرو پنځوسو کلونو کې ډیر عرب مسلمانان وژلي دي که داعشیانو په تیرو پنځو میاشتو کې؟

په نایجریا کې د بوکو حرام ډله نجونې تښتوي او د کنیزو په نوم نکاح ورسره تړي او د شرم ځای دا دی چې دغه کارونه د اسلام په نوم کوي. پکار ده چې طالب مشران واقعیتونو ته متوجه شي او د اسلام او افغانستان د عزت او کامیابي لپاره هغه څه وکړي چې د دنیا نور مسلمانان یې کوي. دوی باید ځان له افراطي ډلو را جدا کړي او د اسلام او مسلمانانو په عزت او خوشحالي کې خپل عزت او خوشحالي وغواړي. مونږ ټول باید په دې پوه شو چې د اسلام سرلوړي په دې کې نه ده چې د مسلمانانو په وطنونو کې جنګ وي، بمونه وي، انتحاري حملې وي او مسلمان ماشومان او مسلمانې میندې په سرپناه پسې په بیابانونو او سمندرونو کې مزلونه کوي. د اسلام سرلوړي په کې ده چې مسلمانان اباد او عزتمن ژوند ولري. د اسلام سرلوړي په ترکیه او مالیزیا او قطر او مکه او مدینه کې موندلای شو، نه په سوریه او نایجریا او سومالیا او شمالي وزیرستان یا جنوبي وزیرستان کې.

208 total views, 1 views today

1 comment

  1. h.s.z. Reply

    Salamoonah;

    Wali?. d Suriye dderiy Sunni mosolmanan wo,aw di. da che Rus-amrica etc.. pa kshe daxili-jagrra wachawila ; hamda raaz Somalia dder sha Islami-socializm xwata revan wo magar el-kaideh d cia pa ishara paki el-chobab mobab aw Bahri ghli peyda krril.

    Hamda ranga zmong Wazirestan! da de A-P faqir(Mirza Ali KHan) aw ghayreti zwanano Ttal aw Wannu wo che Engrezan yi maat kirri wol; mager oos toor-kuni Penjabyan (isi & etc..) + d amrico-engrez Drones bombardevi ; aw Mosulman-Pashtanei derpa dara xawre pa ser kawi.; aw d`Afghanistan milli-nifaak hem warta ddol wahi.!!
    Albette, Turkije; Indonezya malyzia, Qatar, Misir, Libya, elJezayir , Pfalaestin , aw Afghanistan dder sha mosulmanaan lari , VEL A`AQEBETUL LIL Mutaqqieyn.

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور

د پاچا امان الله؛ اصلاحات او مخالفتونه/ زاهدخلیلي

پاچا امان الله په ۱۹۱۹ کې د خپل پلار له وژل کېدو وروسته پاچا شو. پوځ، لوړ پوړو چارواکو او…

د پاچا امان الله؛ اصلاحات او مخالفتونه/ زاهدخلیلي

19 Aug 2019 خپلواکي مقالې تاند No comments

نور

د خپلواکۍ سلمه کلیزه: د خلیفه برج څراغونه به نن…

تاند، یکشنبه، د اسد ۲۷مه: د متحده عربي اماراتو د خلیفه برج څراغونه به نن له ماښام وروسته د خپلواکۍ…

د خپلواکۍ سلمه کلیزه: د خلیفه برج څراغونه به نن شپه د افغانستان په بیرغ ښکلي وي

18 Aug 2019 خبرونه خپلواکي م. عاصم خوږیاڼی No comments

نور

حکومت د بیګاني خونړي برید له کبله د خپلواکۍ د…

تاند، یکشنبه، د اسد ۲۷مه: تاند ته د ارګ یوې مؤثقې سرچینې د ورکړیو معلوماتو په اساس د کابل شهر…

حکومت د بیګاني خونړي برید له کبله د خپلواکۍ د سلمې کلیزې جشن وځنډاوه

18 Aug 2019 خبرونه خپلواکي م. عاصم خوږیاڼی No comments

نور
  • 1
  • 2