Categories

اعلان

Loading…

هلمند کې د پوليو پر ضد جدي هڅې روانې دي

د عامې روغتيا رياست مسؤلين وايي، دغلته د پوليو ويروس په بشپړه توګه د له منځه تلو په حال کې دی.

د پوليو واکسين په اړه د ارزيابۍ په هغه ګډه غونډه کې چې د هلمند والي او اړونده ادارو ترمنځ جوړه شوې وه مسؤلينو وويل، کلونه پخوا دغلته د پوليو ۲۳ مثبتې پېښې ثبت شوې وې، خو اوس دغه ويروس د ورکېدو په حال کې دی.

د عامې روغتيا رياست مسؤلين وايي، لوی خنډ د خلکو ناخبري ده، چې دغلته يې د پوليو وايروس په پاتې کېدو لامل شوي.

د هلمند والي ميرزاخان رحيمي وويل، د دغه وحشي ويروس په مخنيوي کې به په خپل ټول توان مرسته او همکاري کوي.

نوموړی وايي، د پوهنې او ښځو چارو رياستونه بايد د پوليو پر زيانونو زده کوونکي او ميندې خبر کړي، ترڅو عامه پوهاوی خپور شي.

د هلمند روغتيايي مسؤلين په داسې حال کې دغلته د پوليو ويروس د ورکېدو خبر ورکوي چې روان کال د هلمند په نهرسراج کې د پوليو يوه مثبته پېښه ثبت شوې وه.

44 total views, 1 views today

Leave a Reply

Your email address will not be published. Required fields are marked *