Categories

اعلان

Loading…

د روهي ادبي بهير لس کلن يون او لاسته راوړنې/  عزت الله امید

شاوخوا يوه لسيزه وړاندې په کندهار کې د خپلواکو فرهنګي ټولنو او افرادو په همږغي د ځوانو شاعرانو د روزنې، راټولېدنې او راټوکېدا په موخه روهي ادبي بهير ادبي او فرهنګي فعاليت پيل کړ، چې تر دا مهاله پکې سلګونه کسان روزل شوي او لا هم په پوره جوش هره اوونۍ د پنجشنې په ورځ فرهنګي ناستې پاستې، ادبي کره کتنې، مشاعرې او فرهنګي مجالس کوي، چې د کندهار په ګډون د ګاونډيو ولايتونو څخه هم پکې د هنر او شعر مينه وال برخه اخلي.

د خپلواکو فرهنګي دغه هسته پوره لس کاله وړاندې د ١٣٨٤ کال د کب مياشتې پر ٢مه نېټه د ادبپالو او فرهنګ پالو په سلا مشوره پرانيستل شوه، تر دا مهال يې څه د پاسه ٤٤٤ پرله پسې اوونيزې فرهنګي غونډې کړي، چې په ترڅ کې يې د همدې بهير د شاعرانو او نثر ليکونکو پر غزلونو، نثر او نظم کره کتنې، د شعر پر اساسي اړخونو ژور او هراړخيز بحثونه، د ګډونوالو تر منځ د علمي او ادبي افکارو تبادله او شرنګېدلې مشاعرې تر سره شوي دي.

يو شمېر ادبپال او فرهنګيان په شعر، نثر، نظم او د وياندۍ په برخه کې روهي ادبي بهير د ځوانانو د روزنې يوازينى علمي بنسټ بولي او وايي، چې د همدې بهير په مرسته زيات ځوانان د شعر په بېلابېلو اړخونو، کره کتنې، غزل نثر او آن د ژوند په نورو بېلابېلو اړخونو پوهېدلي او پر زياتو مسايلو لاسبري شوي دي.

شعر پوه، اديب شاعر او ليکوال ډاکټر احسان الله درمل چې په کندهار کې د طب پوهنځي محصل او د روهي ادبي بهير فعال غړى پاتې شوي، پرله پسې اووه کاله يې د روهي ادبي بهير په اوونيزو غونډو کې ګډون کړى او په همدې موده کې يې د شعر پېژندنې په اړه د اهميت وړ لکچرونه او بحثونه وړاندې کړي دي.

ښاغلى درمل په کندهار کې د روهي بهير د اهميت په اړه داسې وايي:” روهي ادبي بهیر په داسې کلونو کې جوړشو، چې په کندهار کې ادبي ناستې ټکنۍ شوې وي. ځوانان خواره واره ول او د یوې خولې خندا، د یوه فکر د تبادلې او بلاخره د یوه ساعت ادبي بنډار زمینې نه وې. ټول تږي ول او دې تندې د اوج په نقطه کې روهي ادبي بهیر وزیږاوه. لومړۍ ناستې یې په جوش او نوي رنګ پیل شوې. وروسته، وروسته پکې کره کتنه، ډرامې، لیکچرونه او د ادبیاتو په اړه جدي بحثونه پیل شول. بلاخره پر یوه داسې ادبي چرګۍ بدل شو، چې ډېر ځوانان یې وروزل. د ذوق لوړونې، د ادبي تیورۍ د عامولو او د ځوانانو د مثبتې بوختیا په باره کې چې روهي ادبي بهیر په جنوب لویدیزه حوزه کې کوم رول ولوباوه، ډېرو کمو ادارو به درلودلي وي. دا خبره مبالغه ځکه نه ده، چې همدا اوس په افغانستان کې ګڼ شمېر لوستي فرهنګي ځوانان، چې پر لویو عهدو کارونه کوي، د روهي ادبي بهیر په انګړ کې روزل شوي دي. د روهي ادبي بهیر لوی امتیاز دا دی، چې کارونه یې سیستماتیک او د یوه پروګرام و پلان له مخې پر مخ ځي. زما هیله ده، چې دا بهیر به روان وي او د افغان ادبي بهیر په څېر به په افغاني ادب کې هم نوې ساه پو کي او هم به یو نوی باب پرانیزي، په همدې ښه هیله.”

2 د بېنوا فرهنګي ټولنې مسوول، د روهي ادبي بهير بنسټ ايښودونکى او فعال غړى ښاغلى محمد يار يار روهي ادبي د کندهار په تاريخ کي يو بې ساري ادبي حرکت بولي، چې په خبره يې په سويلي حوزه او ځانګړي ډول په کندهار يې بې شمېره ځوانان روزلي دي.

ښاغلى يار وايي: “روهي ادبي بهير په سويلي حوزه او په ځانګړي ډول په کندهار کې د ازادو فرهنګي ټولنو او افرادو يوه ګډه هسته ده، چې د تېرو لسو کالو راپه دې خوا فرهنګيان او شاعران پکې راټولېږي او بې له کومې ناغې څخه مسلسلې مشاعرې، کره کتنې او غونډې کوي، د بېلابېلو مناسبتونو او اشخاصو لمانځغونډې او د شعر پېژندنې په اړه لکچرونه وړاندې کوي، لنډه دا چې روهي ادبي بهير د ادب او فرهنګ په ساحه کې تاريخي ګامونه اخيستي او ډېر زيات مثبت ثاتيرات يې درلودلي دي، په دغه مشترکه فرهنګي هسته کي ډېر تنکي زلميان روزل شوي، د ادب او فرهنګ په لاره کې يې په برياليتوب سره ګامونه پورته کړي او د پرمختګ لوړو پړاوونو ته رسېدلي دي، نو په دې اساس روهي ادبي بهير د کندهار په تاريخ کي تر ټولو ارزښتمنه فرهنګي هسته ده، چې هم يې په زماني لحاظ ډېر وخت وتلى دى او هم يې د کيفيت له مخې ډېر زيات تاثيرات درلودلي دي.”

د روهي ادبي بهير زېږنده شاعر او همېشنى ګډونوال حاجي غلام نبي سعيد، چې د همدې روهي ادبي بهير په مرسته د شعر او هنر ډګر ته راغلى، همدلته روزل شوى، دا مهال يې شاوخوا درې شعري ټولګې چاپ شوي او څلورمه ټولګه يې چاپ ته تياره ده، نوموړى وايي د روهي ادبي بهير په معنوي مرسته د شعر په ماهيت پوه شوى او له همدې ځايه يې معنوي ګټه تر لاسه کړې.

ښاغلى سعيد زياتوي:” زه د روهي ادبي بهير په مټ د معنويت، شعري ټولګو او شهرت څښتن شوى يم، د همدې ادبي_ فرهنګي بنسټ منندوى يم چې زه يې شاعر کړم او د شعر د ملکې په ملګرتيا مې د زړه تياره خونه روښانه او د خلکو د خوښې وړ وګرځېدم، ما ته روهي ادبي بهير د يو ستر ادبي پوهنتون حيثيت لري، چې زما په څېر سلګونه کسان پکې د پرمختګ پوړيو ته رسېدلي دي.”

ياده دي وي، چې روهي ادبي بهير ته له تېرو څو کلونو راپه دې خوا د کندهار فلم نندارې مسوول، پر خپل فرهنګ او خلکو مين، زړه سواند شخصيت حکمت الله څرک مالي امکانات برابر کړي او د روهي ادبي د غونډو، بېنوا کتابتون او ټولنې لپاره يې خپل کور وقف کړى، چې دا مهال پکې د روهي ادبي بهير د اوونيزو غونډو تر څنګ فرهنګيان او ځوانان هره ورځ پکې فرهنګي ناستې کوي.

288 total views, 2 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2