Categories

اعلان

Loading…

د دوزخ سند/ وږمه وردګ

ژباړه:

 په منځنيو پېړيو كې كشيشانو جنت پر خلكو پلورلو؛ ناپوهو كسانو به هم د پيسو پر وړاندې د جنت يوه برخه خپلوله.  د دوى په منځ كې يو پوه كس و چې د خلكو له دې نادانيه يې زړه شین شوی و، ده هر څه وكړل چې د خلكو د دې احمقانه كار مخه ونيسي، خو ونه توانېد.

يوه ورځ نوى فكر ورته پيدا شو، كليسا ته ولاړ او د جنت پلورلو مسؤول كشيش ته يې وويل:

  • د دورخ بيه څو ده؟

كشيش حيران شو او وې ويل: دوزخ!؟

  • هو دوزخ

كشيش پرته له فكره ځواب وركړ:

  • درې سكې

 سړي په بېړه جېب ته لاس كړ، پيسې يې وركړې او وې ويل:

  • هيله كوم، اوس نو د دوزخ سند ماته راكړئ

كشيش د يوې څيرې پاڼې پر څنډه وليكل: د دوزخ سند سړي په خوشحالۍ سند واخيست، له كليسا ووت او د ښار په ميدان كې ودرېد؛ په چيغو يې وويل:

  • اې خلكو! ټول دوزخ ما واخيست، وگورئ دا يې هم سند دى، نور ضرور نه ده چې څوك جنت په پيسو واخلي، ځكه زه څوك دوزخ ته نه پرېږدم.

9 total views, 2 views today

Leave a Reply

Your email address will not be published. Required fields are marked *