Categories

اعلان

Loading…

مشهور سندرغاړی حیات ګردېزی وفات شو

تاند- مشهور ولسي سندرغاړی حیات ګردېزی د نن /پنجشنبه/ زړه د سکتې په اثر وفات شو.

د یو شپېته کلن حیات ګردېزي، چې د افغانستان د هنرمندانو د ټولنې مشر هم و، ناببره پر زړه حمله راغله او وروسته له دې چې روغتون ته ورسول شو، همالته یې سا پرې کړه.

حیات ګردېزی په ۱۳۳۳ لمریز کال د پکتیا ولایت په احمد اباد ولسوالي کې دنیا ته سترګې رڼې کړي او په اتلس کلنۍ کې یې موسیقي مخه کړه.

ده به په پیل کې په شوقي ډول په حجرو او مجلسونو کې سندرې ویلې خو د۱۳۵۰ لسیزې په وروستیو کې د افغانستان ملي راډیو تلویزیون ته معرفي شو.

خبریال بارکوال میاخېل د حیات ګردېزي د هنر په اړه وايي:«تر خان قره باغي وروسته حيات ګردېزى  يو له هغو سندرغاړو څخه وو، چي په ولسي سندرو کې يې ډېر نوم موندلى و او د خلکو زړه يې ګټلى و. حيات محلي او ولسي موسيقۍ ته پخپل خواږه ږغ سره حيات ور وباخښه »

حیات ګردېزی د ژوند په وروستیو کلونو کې په دې نارواضه و چې حکومت د پخوا په شان د هنرمندانو ژوند ته پام نه کوي.

ده په ۲۰۱۱ م کال په یوه مرکه کې وویل:« په افغانستان کې ګڼ شمیر داسې هنرمندان شته چې د خپل عمر په وروستي پړاو کې دي، له موډه لویدلي، نه یې څوک راډیو ته بولي، نه تلویزون او نه هم کنسرتونو ته.»

ګردېزي څو وارې د کنسرتونو له لارې ګټلې پیسې په نادارو هنرمندانو ویشلي دي .

سبا /جمعه/ به د ارواښاد ګردېزي جنازه د کابل په عیدګاه جومات کې د ده د هنر د مینه والو په ګډون ادا شي.

117 total views, 5 views today

6 comments

  1. مجيد ژړاند Reply

    الله تعالی دې وبښي، حيات ګردېزي رښتيا هم د موسيقي په برخه کې ډېر کار کړی دی، خو دا چې زموږ په ټولنه کې سندرغاړوته لکه څنګه چې لازمه ده، هغسې يې قدرداني شوې نه ده.

  2. Zeeg afghan Reply

    Allah de Wobahi. Belkol mosiki ta ye rang warkari wo

  3. فیض اللہ Reply

    پہ ریشتیا ھم چہ دیر خکلی حنجرہ خدای وربخلی وہ ، او اللہ د ورتہ جنت فردوس پہ نصیب کری

  4. mir ajmal Reply

    الله تعالی دی وبښی مینوال ته یی دی زړه له کومی تسلیت وړاندی کوم
    انسان ته باید ته انسانیت په حیث ولیدل شی نه ته هغه مسلک په سترګه

  5. mir ajmal Reply

    خدای دی وبښی مینوال ته یی دی زړه له کومی تسلیت وړاندی کوم
    انسان ته باید ته انسانیت په حیث ولیدل شی نه ته هغه مسلک په سترګه

  6. Mirwais Sapai Reply

    Allah de wobahi, Janat e Ferdows warta ghuarem.
    Deer khapa shom,
    khoga umar che teregee dregha dregha
    de woba pa seer bahegee dregh dregha

Leave a Reply

Your email address will not be published. Required fields are marked *