Categories

اعلان

Loading…

افغان کرکټ بورډ ادارې د خپلو یو کلنو لاسته راوړنو نمانځنه وکړه

د افغانستان کرکټ بورډ ادارې نن ماښام د یو لړ ځانګړو مراسمو په ترڅ کې د ۲۰۱۵ زیږدیز کال لاسته راوړنو نمانځنه وکړه. دغه نمانځغونډه چې په کابل سرینا هوټل کې ترسره شوه، د افغانستان کرکټ بورډ عمومي رئیس نسیم الله دانش، د ښارجوړونې وزیر سید منصور سادات نادري، د بهرنیو چارو وزارت سیاسي چارو معین حکمت خلیل کرزي، د ځوانانو چارو معین ډاکټر کمال سادات، د هند سفیر ویرات سنګ، د پاکستان سفارت مرستیال عاطف، د الکوزي شرکت استازي میرویس سیال، د ولسمشر سلاکارانو، د چارو ادارې مرستیال نعمت الله سایر، د چارو ادارې او د بورډ غړي فریدون الهام، د کرکټ بورډ عمومي ریاست مرستیال حاجي عزیز الله فضلي او د اجراییوي ریاست مرستیال دوست محمد نظري، د ولسي جرګې غړو، د کرکټ ملي لوبډلې لوبغاړو، د کرکټ بورډ کارکونکو، د رسنیو استازو او د کرکټ مینه والو ونډه درلودله.

غونډه د قرآن عظیم الشان په مبارکو آیاتونو سره پیل شوه چې ورپسې د هیواد ملي سرود وغږول شو. د پیل وینا د کرکټ بورډ عمومي رئیس نسیم الله دانش واوروله. نوموړي د کرکټ یو کلنو لاسته راوړنو لنډ راپور د غونډې ګډونوالو ته واوراوه او ویې وییل چې، اداره له پیاوړي مورال سره د پرمختګ په لور روانه ده او د ۲۰۱۶ زیږدیز کال په ترڅ کې به تاریخي لاسته راوړنې وکړي. دانش له خپلې کاري ډلې، د بورډ غړو او له ملي لوبغاړو مننه وکړه چې د کرکټ په بریالي بهیر کې یې ګام په ګام هلې ځلې کړې دي.

د بهرنیو چارو وزارت سیاسي چارو معین حکمت خلیل کرزي د افغان کرکټ بورډ د ۲۰۱۵ زیږدیز کال لاسته راوړنې د کرکټ په تاریخ کې بې سارې وبللې. نوموړي د ملي لوبډلې وروستۍ بریاوې وستایلې او دوی ته یې په راتلونکو نړیوالو او آسیایي سیالیو کې د بریاو غوښتنه وکړه.

د ملي لوبډلې لوبډلمشر اصغرستانکزي د دولتي چارواکو، د کرکټ بورډ مشرتابه او د کرکټ مینه والو له ملاتړ څخه مننه وکړه او ویې وییل چې د ولس په دعاګانو به په راتلونکو نړیوالو سیالیو کې ټوله لوبډله په خورا زیار لوبه ترسره کړي.

د غونډې په ترڅ کې د هیواد تکړه ممثل ممنون مقصودي لخوا له راغلو میلمنو او لوبغاړو سره خبرې اترې وشوې او په پای کې د ولسي جرګې لخوا رالیږل شوی تقدیر پاڼې د کرکټ بورډ پر مشرتابه او لوبغاړو وویشل شوې.

270 total views, 2 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2