Categories

اعلان

Loading…

ترکمنستان د افغانستان د پولې د امنیت په اړه د روسیې مرسته رد کړه

تاند- ترکمنستان له افغانستان سره د خپلې پولې د امنیت د ټینګولو په باب د روسیې د مرستې وړاندیز رد کړی دی.

د روسیې د بهرنیو چارو وزیر سرګی لاوروف د جمعې په ورځ /جنوري ۲۹/ وویل، هیواد یې د افغانستان او ترکمنستان د پولې د امنیت د ټینګښت په اړه عشق اباد ته د مرستې وړاندیز وکړ حو ترکمن چارواکو د روسیې وړاندیز رد کړ.

د روسیې د بهرنیو چارو وزیر دا وړاندیز پرون د عشق اباد د سفر په لړ کې د دغه هیواد له چارواکو سره شریک کړ.

لاوروف د ترکمنستان له بهرنیو چارو وزیر سره په یوه خبري غونډه کې خپل منځي اړیکې ښې وبللې او ویې ویل چې دواړو خواوو په خپل منځ کې د همکاریو د زیاتېدو پر لارو خبرې وکړې.

روسیه په افغانستان کې د داعش یا اسلامي دولت د وسله والې سختدریځې ډلې د نفوذ د زیاتېدو په وړاندې اندېښنه ښيي خو په عین حال کې داسي تصور هم شته چې روسیه غواړي د داعش د نفوذ د زیاتېدو په پلمه د منځنۍ اسیا په هیوادونو کې اډې ترلاسه کړي.

دې هیواد پخوا د منځنۍ اسیا هیوادونه په طالبانو ډارول او په دې توګه یې د منځنۍ اسیا په هیوادونو کې د خپل نفوذ د زیاتېدو هڅه کوله.

روسیه اوس په تاجکستان کې لویه پوځي اډه لري او سرتېري یې د افغانستان او تاجکستان په پولو کې ځای پر ځای دي خو ازبکستان او ترکمنستان تراوسه پوري حاضر شوي نه دي چې روسیې ته اډې ورکړي.

76 total views, 1 views today

1 comment

  1. suliman zahid Reply

    ترکمنان او ازبکان لکه دا نور دومره بی غیرته ندی چه ځان په پردو وساتی او بیا ځان غلامی برابر کړی ، تاجکستان خو په ۱۹۹۲ کی هم خپله ازادی هم نه غوښتله ،خو روسانو هغوی ته وویل چه مونږ تاسی له ځان سره نشو ساتلائ

Leave a Reply

Your email address will not be published. Required fields are marked *