Categories

اعلان

Loading…

د حکومت، مدني ټولنو او طالبانو استازي په قطر کې غونډه کوي

تاند- وسله وال طالبان وايي چې د دوی استازي به سبا /شنبه/ په قطر کې د پګواش کاناډايي موسسې له لوري په جوړېدونکې غونډه کې ګډون وکړي.

طالبانو تر دې وړاندې هم څو ځلي د پګواش له لوري په جوړو شویو بحثونو کې ګډون کړی دی.

د طالبانو ویندوی ذبیح الله مجاهد رسنیو ته په استولي برېښنالیک کې ویلي چې د دوحې په غونډه کې به د طالبانو د قطر د دفتر غړي برخه واخلي.

دې غونډې ته له افغانستانه هم یو شمېر شخصیتونه، د ټولنیزو ادارو او سیاسي ګوندونو استازي بلل شوي دي.

د تاند د معلوماتو پر اساس دولتي چارواکي او د سولې د عالي شورا غړي به هم په دې غونډه کې ګډون وکړي.

په قطر کې د طالبانو دفتر وايي چې د شېرمحمد عباس ستانکزی په مشرۍ به د دوی ۱۰ تنه د پګواش په غونډه کې ګډون وکړي.

د غونډې هدف د ښکېلو خواوو ترمنځ د اعتماد رامنته کول بلل شوي دي.

دوی به دغه راز د سولې پر لارو چارو خبرې وکړي او د یو بل له دریځونو سره به اشنا شي.

ګومان کېږي چې د پګواش په نوښت دا جوړېدونکې غونډه به د دې ټولنې تر تېرو غونډو د برخوالو د شمېر له نظره لویه وي.

د پګواش موسسه، چې د نوبل جایزه یې هم ګټلې، په نړۍ کې د شخړو د هواري هلې ځلې کوي.

70 total views, 1 views today

1 comment

  1. Pakhtoonstoray Reply

    I think pagwash must directly workout plan not with talban but thire masters bcz talban are just foot soldiers from top to bottom no leadership

Leave a Reply

Your email address will not be published. Required fields are marked *