Categories

اعلان

Loading…

د پاکستان دفاع وزیر وايي، نور د افغانستان اوهند په چارو کې مداخله نه کوو

تاند- د پاکستان دفاع وزیر د خپل هیواد ملي جرګې ته پرون /چهارشنبه/ وویل چې دغه هیواد په ګاونډیو هیوادونو کې د مداخلې پالیسي پای ته رسولې ده او له خپلو ختیځو او لوېدیځو ګاونډیو یعني هند او افغانستان سره ښې اړیکې غواړي.

د پاکستان دفاع وزیر خواجه اصف تاکید وکاوه چې هیواد یې د ګاونډیو په چارو کې د لاسوهنې پالیسي بس کړې او د دې یوه څرګنده نښه دا ده چې په افغانستان کې د سولې او پخلاینې د پروسې لپاره هلې ځلې کوي او له هند سره یې د سولې درېدلې خبرې بیا پیل کړي دي.

پاکستان تل د افغانستان او هند له لوري په خپلو کورنیو چارو کې په لاسوهنې تورن کېږي. دواړه هیوادونه وايي چې پاکستان د افغانستان او هند د ویجاړولو لپاره په خپله خاوره کې سختدریځي ترهګر روزي، په وسلو او پیسو یې سمبالوي او بیا یې ورلېږي.

خو اصف چودري وايي چې د پاکستان په پالیسي کې بدلون راغلی او د دغه بدلون له کبله اوس ښې نتیجې ترلاسه کېږي.

د پاکستان دفاع وزیر د خپل هیواد ملي جرګې (نشنل اسمبلي) ته په وینا کې په ګاونډیو هیوادونو کې د پاکستان پر لاسوهنو او نیابتي جګړې اعتراف وکړ، ویې ویل:«پاکستان په ۳۰ – ۴۰ کلونو، بلکې په خپل ټول ۶۸ کلن تاریخ کې د لومړي ځل لپاره متفاوت رول لوبوي. که څه هم موږ پخوا د نیابتي جګړې رول لوبولی او یا په یو نه یو ډول د لاسوهنې وسیله ګرځېلي یوو، خو اوس پاکستان له خپلو ګاونډیو سره د یو بل په چارو کې د نه لاسوهنې، سولې او د ټولې سیمې د ثبات خبرې کوي او حتي د دغو خبرو مشري کوي.»

ځینو پاکستاني جنرالانو هم په اسلام اباد کې د څلور اړخیزې غونډې د افغان پلاوي غړیو ته ویلي وو چې پاکستان نور نه غواړي په افغانستان کې نیابتي جګړې ته دوام ورکړي. هغوی حتي په زغرده ویلي چې د افغانستان د دولت وسله وال مخالفان به سولې ته راولي او که چا سوله نه کوله سخته سزا به ورکړي.

110 total views, 1 views today

13 comments

  1. Himmat Reply

    خدای پاک د وکړی چه ددوی په زړه کی داسی مخلصانه ارادی او عملی ګامونه پورته شی……………………

  2. مجيد ژړاند Reply

    فکر نه کوم، چې دوی به له دغه شيطاني فکر او کړنو څخه لاس واخلي، خدای دې وکړي چې ژمنه عملي کړي.

  3. Ehsan Reply

    دروغ وايي ددوي بنياد په دروغو ايشودل شوي . مونژ افغانان ددوي په هيس خبره باور نكرو.

  4. حسن Reply

    چودری لالا ستا مزدورانو خو پرون هم په کابل کی خلک په وینو کی ولمبول. هیله ده خپل اعترافونه په عمل کی تطبیق کړی.

  5. Attah Reply

    Don’t believe those Generals
    If they do stop intervention police
    Pakistan will split in four pieces
    Inshaallah

  6. هارون Reply

    خوګ ډیر ځلی قسم خوړلی چی نور مرداری نه خورم

  7. ولي خان دومړ Reply

    خپل جوار څاره د سکاڼه په قسمو (لوړو) باور مه کوه

  8. سهراېې Reply

    امرېکه دالر پرې بند کړېدې. پاکستان د افغان نسل تبا کړه کم او زېاد درۍ ملېونه افغانان د پاکستان له لاسه خپل ژوند له لاسه وار کړۍ او ېو ملېون معېوبه شوې او دېرش ملېونه بې سواده را لوۍ شوې. هره اشتبا کول ېوه جزا لرې پاکستان باېد د دې اشتبا بدل هم وار کړې

  9. عبدالقهار Reply

    په شیطان باور کول لوی تیروتنه وی..دا د شیطان او فرعون نسل دی پر دوی باور کول د زان تباهی دی

  10. عبدالهادي Reply

    خداي دي دا رشتيا كري خو باور نه لرم

  11. ډاډ من Reply

    زما فارس زده نه ده خو زه به د فارسى يو متل تير کړم او بښنه غواړم دغلتى املاچى واى ازموده را ازمودن خطا است نو افغانان بايد فوهشى

  12. زلمی کوچی Reply

    هسي نه چې مونژ يي په خبرو خطا شو او دوې د خپلو شيطاني اغراضو په پلښت بې درنګه کار وکړي

  13. دلاور حبیبی Reply

    که وینا او عمل یو شان نوي، ببولالې ډیرې ویل شویدې. اوس د عمل وخت دي.
    د پاکستان پرمختګ یوازي او یوازي په
    سوله ایز افغانستان، پورې تړلې دي.
    د افغانستان سوله یوازي او یوازي د پاکستان پورې اړه لرې.

Leave a Reply

Your email address will not be published. Required fields are marked *