Categories

اعلان

Loading…

لړم، ښامار شو/ توریالی ملیار

یو ځل بیا یې دواړه لاسونه وموښل وای وای یې وکړل او بیا یې خپل ګریوان ته تو کړل، پسې یې زیاته کړه:
د اسلام په نامه یې ووژلو، د اسلام په نامه یې تبا کړو د اسلام په نامه یې بې سواده کړو، اوس ماته ګوره او دوی ته.

ما چې ولید سړی دېر جدي دی نو پام مې ورته واوښت په احتیاط مې خوا ته وروکتل ما وې وګورم چې سړی نوې څپېړې وهلی که پخوانیو سوټیو شین کړی، ده مخ لږ چپې خواته کوږ کړی و، د ږېرې بیخونه مې یې چې ولیدل سپین وو ما وې ځه نو د پخوانۍ څپړې ښکار دی بې خطره پې ورځه.

ما ترې پوښتنه پیل کړه خو دی سخت ګرم و، یوازې مخ یې لږ را واړه او خپلو خبرو ته یې دوام ورکړ:
زه د لړم نیش وهلی یم د لړم… له قوماندن لړمه مار هم پوست اچاوه…. په تودو وینو وم ما وي بس، دی که نه دی همدی مسلمان دی، دی پوه دی، دی زړور دی، دی مجاهد دی، دی اتل دی او دی… دی.

هره میاشت به یې په یوه کس، د ماشین جاغور تش کړی و… نن له کابل راغلی وژلی، سبا د جاسوس په تور یو سوری سور کړی، بله ورځ د دولتي معلم په نامه زندۍ کړی او بل ځل هم پر بام د سرې بړستنې د هوارولو په تور له ژونده خلاص کړی.

کوچ، شیدې چرګان او پسونه خو یې په موږ کره حق وو، موږ به خوښ په دې وو چې قوماندان لړم مو پسه وخوړ او په راتګ مو یې وربوی بختور شو.

غزولې پښه یې لږ وښوروله او پسې زیاته یې کړه:

مشر زوی مې چې لارې ته نه راځي په همده مې دم کړی و، چې پيدا شو لړم یې مبارکۍ ته راغی ‌ډزونه یې وکړل، سرې لمبې یې پورته کړې، پسه یې وخوړ او چې وت نو په غېږ کې مې ورته را واخیست ما وې ښه یې دم کړه، ده هم ښه د زړه له خلاصه کف او چپ کړ، بیا یې په مخ لاړې هم ور تو کړې او بیرته یې راکړ- وې الله یې د مجاهد درته ستر کړي.

اوس نو زوی تر لړم بتره شوی ایل کولی یې نه شم، ږیره یې تر خیټې اوږه ده کړه، بریت یې تر زنې رسېږي او د سر پرتې یې لکه د غولو ګندنه په ملا لګیږي- محصل په جلبات پوهنتون کې دی خو ژوند یې ټول په غره راغه کې تیریږي، په ټکي پوهیږي نه خو ناکامي یې په سترګو هم ونه لیده، هغه تیر ځل یې چې په پوهنتون کې تور بیرغ پورته کړ د لړم دم را په زړه شو، ما وې ځه دم دې ورته لګیدلی او هغه هم بې اواده سه دم.

بیا یې وې خبره بلې خواته را نه ولاړه څه مې ویل؟؟؟ هه…:

تر ټولو باوري یې زه وم ځکه مازې په یوه اشاره به مې اسمان ځمکې ته ورته را کوز کړ، هغه وخت یې ګرم هم بللم او د اور نوم یې هم را ته اخیست (کریمِ اور) او په همدې نامه داسې خوشاله کیدم چې ته وايي ټوله دونیا یې ما ته راکړې ده.

بیا یې زیاته کړه هغه وخت مې چې لږ ساړه خوړلی، ولې به داسې ټوک- ټوک وم اوس به مې ولې اولادونه درپه در وو.

ورپسې یې خبره داسې اوږده کړه:

په سیسۍ چې جنګ وو، مزایل مو ورته سم او راکټونه مو ورته تېره کړل، قوماندان صاحب لړم، په احساساتو خطابه شروع کړه. اول خو د مجاهد په اخلاقو وغږید، بیا یې د جهاد په ارزښت ښې ډېرې راته وکړې، بیا د افغانستان تاریخ ته هم ورغی، چې څنګه یې کوپار جغزۍ جغزۍ کړي، او په ژړا ژړا یې د ملالې لنډۍ په شدید ترنم سره ادا کړده:

که په میوند کې شهید نه شوې خدایږو لالیه بې ننګۍ ته دې ساتینه

له دې لنډۍ سره قوماندان په ژړا او موږ یې هم وبغولو موږ چې په خپلو څادرونو اوښکې پاکولې قوماندان صاحب را نه ورک شو… دغه کار نو نور هم زموږ د عقیدت غوټۍ وغوړولې، موږ وې د وخت ولي دی، ولې به د سترګو په رپ کې رانه نه ورکيږي څه؟! الله یې دې په خیر را ورسوي.

لږ وروسته د ټانکونو غرهاری شو، زه په قوماندان صاحب لړم پسې لږ د سمڅې خواته ورغلم، هلته نه و، بس ما وې په هوا ورغلی اوس به قوه دړې وړې کړي، د سمڅې په خوله کې یې له غولو تاوونه پورته کېدل، یو ځل خو مې وې چې ولي دی، راشه دا غول یې په ځان وموښه چې ډېر تبرک دې حاصل شي او مرمۍ درباندې تاثیر ونه کړي خو بیا د ټانکونو د غږ نیږدې کیدو له دې کار پاته کړم.

شیطان قسیم، رانه وپوښتل وې څه شو قوماندان صاحب ما وې خوده، خو دومره پوهیږ چې په ځمکه نشته، قسیم ښکته وکتل او کړل یې (ابه نشته غول یې شته) قسیم چې سر پورته کاوه نو په مخ یې زما سخته څپړه ونښته ما وې د زمانې د ولي سپکاوی کوې هه!! ده په مخ لاس ونیو او بیا یې راته کړل، وې هه ولي دې هاغه دی!! ريښتیا هم په هوا دی!! ما چې پسې وکتل قوماندان صاحب پسې دوړه پرته وه او په ۱۲۰ میله کې مخ د کلي په خوا خوشی و.

زموږ سرګروپ خټک، هم قسیم ته سخت په قهر شو، وې په خپلو ځایونو کینۍ د جهاد په قیادت ملنډې مه وهئ قوماندان صاحب په نورو مجاهدینو پسې ولاړ ګورئ نه، ملاتړلی او ګوته په ماشه کوز شو… ځکه قوه لویه ده الله دې ټوولو ته خیر او عافیت پیښ کړي.

ټول بیرته آماده باش په سنګرونو کې داسې احساساتي او په غرور کیناستو چې موږ وې ټانکونه به ژوندي تر ستوني تیر او میده- میده کړو.

شیبه چې تیره شوه نو د ټانکونو دوړې هم راښکاره شوې او چې لمر او غر سره ورتلل نو ټانکونه را ورسیدل بس صاحبه دلته مو شروع سره وکړه درزه غربه درزه غرپه، د محشر ورځ جوړه وه.

شاته مې چې وکتل نو په سرګروپ ماما پسې هم داسې دوړه پرته وه تا وې ډاډسن خوشی دی دوې پښې یې خپلې دوې یې پردۍ کړې وې له سترګو مې ورک شو.

شیبه وروسته مې مخې ته یو غړز شو د هاوان مرمۍ وګېده که تر کمر دې خوا لګېدلې وای اوس به زه دلته نه درته غږیدلی، بس تر کمر ها خوا یې چې غړز وهل بدن مې یې جغزۍ جغزۍ کړ اوس ګوره یو هډوکی مې روغ نه دی پاتې سترګه خو هملته ځای پر ځای قرباني شوه…

بس دومره مې بخت بیدار و چې په شپيتو اویا کسانو کې زه هم له لسو ژوندیو، حساب او ګوډ او مات ژوندي خلاص شوو. بیا مې نه قوماندان لړم ولید او نه یې هم نیش.

څه وخت وروسته مې یې عکس په پیام حق مجله کې تر سترګو شو چې بریت تاوکړی ناست و، د قهرمانۍ شپږ لقبونه ترې مخکې او شپږ وروسته ترې ایښي وو، په همدې مرګونې جګړه یې دوه سیټه بیپور ګټلې وه.
له هغه وخته چې زه له اخ توخه ولویدم او د نورو د اوږو بار شوم بیا نو به قوماندان صاحب په بیپور کې داسې تېز رانه تېر شو لکه غشی چې له لیندې ووزي، بانه کریمی هغه کریمی و او نه یې اور هغسې لمبې وهلې.

پوره ۳۰ کاله ووتل په نویې دوره کې بیا اوازه شوه وې استاد شاغاسي راغلی… شاغاسي نو هغه پخوانی لړم و، چې اصلي نوم یې لږو خلکو پيژانده، خو اوس له ویرې چا ورته لړم نشوای ویلی، استاد و استاد!! ځکه داځل لړم د خلکو په رایه پسې راغلی و او غوښتل یې ښامار شي.

لړم د پخوانۍ بیپورې پر ځای په څو نویو نوزیو لنډکروزرو کې راغلی وو او خلکو بیا هم تش لاس ونه لیږه او همغو خلکو ترې ښامار جوړ کړ چې غیرتي یې بولو، پوه یې بولو، د ولس او خلکو غمخوار یې بولو- همغو خلکو ښامار کړ چې وژلي یې وو، ځورولي یې وو او رټلي یې وو.

هغه تیرو ورځو کې چې کابل ته ولاړم په تلویزیون مې ولید پخواني دښمن جنرال غضب ته یې شین کارت پورته کړ.

چې کابل کې مې یې د کور او ځای پوښتنه وکړه وې هلکه دلته نه شته کورکلی یې اوس د لندن (کووېنټ ګارډن) دی اولادونه یې لا په په خپله ژبه سم نشي ګړېدلی دی هم، میاشت دلته وي او نور کال لندن کې.
دایې ووې بیا یې ګریوان ته تو کړل، څنګ یې وواهه په تاخچه یې منګولو بندې کړې، لکڼه یې ورسره واخیسته کرار کرار له جوماته ووت.

423 total views, 2 views today

1 comment

  1. Ataey Reply

    ملیار صاحب دیره ښه افاده مو کړیده دا او دیته ورته قهرمانان دی چه نن ورځ ددی غیرتی ملت په ژوند او عزت لوبی کوی ،عکسونه او فلمونه یی چلیږی او ورځ په ورځ مو مصیبتونه زیاتیږی دا ټول د دوی دجهالت او مردار عمل تعفن دی چه ملت زوروی او اجنبیانو ته همدا دوی غوره دی ځکه چه د معاملو په ژبه او کردار پوهیږی او هرڅه خرڅوی چه بچیان یی ددی مظلوم مجاهد ملت لپاره د سبا ورځی ښاماران وګرځی.

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2