Categories

اعلان

Loading…

د جمعیت اصلاح ټولنې د رهبرۍ شورا یوه غړي د ملي ضد څرګندونو په وړاندې د و.ا.ګ غبرګون

د جمعیت اصلاح افغانستان سیاسي- مذهبي ټولنې د رهبرۍ شورا غړي محترم ملا عبدالصبور له خوا د افغانستان د محبوب ملي اتل اعلیحضرت امان الله شاه غازي سپکاوی شوی، دغه مسلمان واکمن یې په بې دینۍ تورن کړی او د دې تر څنګ یې د نوموړي وطنپالونکي روشنفکر د مدني اصلاحاتو او پرمختګپالو پلانو مخالفان، مجاهدین او اولیاء الله بللي دي.

دې څرګندوونو د افغانانو ملي روحیې ته تکان ور کړې او پراخ غبرګونونه یې را پارولي دي.

د افغانستان اطلاعات و فرهنګ وزارت هم د یوې اعلامیې په خپرولو سره دا سپکاوی غندلی او دا څرګندونې یې بې مسؤلیته بللې دي.

خو موږ پر ټولو مسؤلو مقاماتو او دولت ږغ کوو چې د ملي ارزښتو د توهین په وړاندې یوازې د یوې اعلامیې خپرول کفایت نه کوي ځکه د همدغه اعلامیې تر نشر وروسته همدغه ملا صاحب په خورشید ټلویزیون کې په لا زیات ټینګار سره خپل همدغه د توهین الفاظ نه یوازې تکرار کړل بلکې ځان یې پر خپل دغه دریځ ثابت قدم او مفتخر وښود.

موږ دا څرګندونې د افغاني- اسلامي ارزښتو پر ضد یوه توطیه او له قانون و نظام څخه بغاوت بولو او د افغانستان پر ملي حیثیت دغسې مخامخ تېری د هیڅ افغان لپاره د زغملو نه دی.

که څه هم جمعیت اصلاح ټولنه د افغانستان له حکومت سره ثبت ده خو په اړه یې په عامه ذهنیت کې ډېر شکونه پراته دي.

افغان حکومت باید په دې اړه جدي قانوني تحقیق و اقدامات وکړي او مخکې له دې چې افغانستان د افراطیت پر یوه بل ناورین واوړي، پر وخت یې په اصولي توګه مخه ونیسي.

ودان افغانستان ګوند

فرهنګي کمیسیون

کابل- افغانستان

۱۳۹۴-۱۰-۱۹

412 total views, no views today

1 comment

  1. babrak Reply

    دودان افغانستان گوند دی ودان وی!

Leave a Reply

Your email address will not be published. Required fields are marked *

۸