Categories

اعلان

Loading…

د سولې پر پروسې راتلونکې اوونۍ خبرې کېږي

تاند- د افغانستان د بهرنیو چارو وزارت وايي چې د افغانستان د حکومت او وسله والو طالبانو ترمنځ د سولې د بل پړاو لپاره خبرې به راتلونکې اوونۍ پیل شي.

د بهرنیو چارو وزارت د مرستیال ویندوی خیرالله ازاد له قوله پرون /سې شنبه/ د روسیې سپوتنیکس خبري اژانس وویل:«په دې پرېکړه شوې وه چې د افغانستان د حکومت او طالبانو ترمنځ د سولې د خبرو د طرحې د برابرولو لپاره د افغان، پاکستاني، چینايي او امریکايي چارواکو ترمنځ باید د جنورۍ د میاشتې په لومړیو ورځو کې غونډه وشي.»

دا پرېکړه کابل ته د پاکستان د پوځ د لوی درستیز جنرال راحیل شریف په وروستي سفر کې وشوه.

د ازاد په وینا د افغانستان او پاکستان د موافقې پر اساس د سولې خبرې به له هغو طالبانو سره وشي چې خبرواترو ته لېوالتیا لري خو د هغو طالبانو خلاف، چې نه غواړي خبرې وکړي، په ګډه مبارزه کېږي.

د راپورونو له مخې، د افغانستان ولسمشر د پاکستان د پوځ لوی درستیز ته ویلي چې طالبان یې په خاوره کې اوسي، یا دې یې سولې ته حاضر کړي او یا دې د هغوی خلاف اقدام وکړي. خو د پاکستان د پوځ لوی درستیز ویلي چې یو ځل بیا هم باید د سولې خبرو ته موقع ورکړای شي.

181 total views, 1 views today

Leave a Reply

Your email address will not be published. Required fields are marked *

۸