Categories

اعلان

Loading…

د امریکا دفاع وزیر پر امنیتي وضعیت د خبرو لپاره افغانستان ته راغی

تاند- د امریکا دفاع وزیر اشتن کارتر نن په یوه نااعلان شوي سفر افغانستان ته راغی او په بګرام کې یې له امریکايي پوځیانو سره وکتل.

ټاکل شوې ده چې ښاغلی کارتر نن له افغان ولسمشر محمد اشرف غني او نورو چارواکو سره د افغانستان پر وروستیو امنیتي حالاتو او د سولې په بهیر خبرې وکړي.

کارتر په داسي حال کې افغانستان ته راغلی چې د راپورونو پر اساس په دغه هیواد کې تشدد زیات شوی او د اسلامي دولت یا داعش په نوم وسله والې سختدریځې ډلې هم سر راپورته کړی دی.

د رویټرز خبري اژانس د راپور له مخې، د متحدو ایالتونو دفاع وزیر به د افغانستان د سفر په لړ کې له افغان چارواکو او امریکايي قوماندانانو سره وویني.

په افغانستان کې د ناټو او امریکايي ځواکونو عمومي قوماندان په وروستیو ورځو کې وویل چې له سوریې او عراق څخه وسله وال سختدریځي د افغانستان په ختیځ کې د دې ډلې له وفادارو سیمه ییزو وسله والو سره یوځای شوي دي.

اسوشیتید پریس خبري اژانس د یوه امریکايي چارواکي په قول وايي چې دوی فکر نه کوي چې په سږني ژمي کې دې، چې د جګړې د کمېدو فصل دی، د جګړې شدت په ځانګړي ډول د افغانستان په جنوب کې زیات کم شي.

د اسوشیتید پریس خبري اژانس د راپور له مخې له افغان چارواکو سره د اشتن کارتر د خبرو یوه موضوع به افغان امنیتي ځواکونو ته د اې-۲۹ سوپر توکانو الوتکو د ورکړې مسله وي.

ټاکل شوې ده چې افغان هوايي ځواک ته دا الوتکې د ۲۰۱۸ کال تر پایه ورکړای شي.

31 total views, 1 views today

2 comments

  1. سلیمان Reply

    که چیرته تر ۲۰۱۸ کال پورې افغانستان د نړۍ په نقشه پاتې وي نو بیا به دوی د هوایي ځواک سره د الوتکو مرسته وکړي، خو د هیواد دې حالت ته په کتو سره دومره امیدواري نه ښکاري. سوال دا دی چې دا زمونږ باداران خو په افغانستان کې ډیر قوي بيسونه او غښتلې هوایي ځواک لري نو دوی د څه شي انتظار کوي او د څه لپاره هلته پراته دي؟ دوی مونږ ساتي او که په مونږ ځان ساتي؟ جنرالان یې د داعش لپاره تبلیغ هم کوي او د افغانانو په منځ کې د هغوی د وحشت ویره هم خپروي.

  2. Aman Reply

    دی افغانستان تش په نامه بی سره اوبی پښو حکومت نور له امریکا څه تمه لری دا ټولی نړی ته معلومه ده چی امریکا دی اسلام دشمنه ده او شپه او ورځ کوشش کوی چی په هره طریقه کښي باید مسلمان ووزنی که هغه طالب وي او که دی دولت مسوولین وی اوس افغان ولس ته پکار ده چی دالاس پوڅی حکومت ړنګ کړی او بلخصوص له امریکا سره امنیتی پیمان لغوه کړی. امریکا دخپل حریف لپاره یعنی روسیه غواړی چی افغانستان او مسلمان استعمال کړی نور که دا دی قدرت ټیکه داران نه پوهیژی دی ویتنام له جګړی نه شروع او بیا دی عراق لیبا سوریه ته دی یوه کنته وکړی. دا باید سل په سله اطمینان ولری چی امریکا زمونږ دشمنه ده او غواړی چی دین اسلام او ناموس مو. له بین یوسی. نو همت وکړی او دا لوی استعمار. په مقابل کی په کلکه دفاع وکړی که نور نه پوهیژ نو لری نه خپل شاه او خوا وګوری چی څه. موصیبتونه در ته جوړ کړی دی. لکه اربکیان چی نه خپله ناموس لری او نه دی نورو په ناموس هیله کوی. او له بلی خوا دا په نوم معدنی ټولنی چی کوشش کوی دی افغانستان پاک او سپڅلی خلک دي دموکراسی په نوم له لاری وباسی.

Leave a Reply

Your email address will not be published. Required fields are marked *