Categories

اعلان

Loading…

ولسمشر غني د ډیورنډ کرښې او نورو مسلو په اړه د پاکستان د غوښتنو ادعا رد کړه

تاند- د افغانستان ولسمشر محمد اشرف غني له افغانستان څخه د ډیورنډ کرښې د منلو په باب خپرې شوې اوازې په کلکه رد کړې.

ښاغلي غني دا خبره نن /دوشنبه/ په یوه خبري غونډه کې د پاکستان د یوه لیک په اړه د پوښتنې په ځواب کې وکړه.

ادعا کېږي په دغه لیک کې، چې لږترلږه دوې میاشتې پخوا افغانستان ته استول شوی او د پخواني ولسمشر حامد کرزي پلویانو مطرح کړی، د ډیورند کرښې د رسمیت پېژندلو په شمول له افغانستانه یو شمېر غوښتنې شوي دي.

خو ولسمشر غني په دې اړه د یوه خبریال د پوښتنې په ځواب کې وویل چې له پاکستان سره یې نه د ډیورند په اړه خبرې کړي او نه د دواړو خواوو ترمنځ په خبرو کې پر دې مسلې خبرې روانې دي:«د ډیورنډ کرښه زما اختیار نه ده، د افغانستان د ولس اختیار دی، خبرې د افغانستان او پاکستان د امنیت دي. خبرې د افغانستان او پاکستان د شریک امنیت دي، نه په ډیورند کرښې باندې څوک غږیږي او نه غږیدلي دي. د افغانستان د امنیتي ځواکونو تعینات د افغانستان داساسي قانون د افغانستان د ګټو په اساس کېږي، په دې کې هیڅ ګاونډی ملک یا هیڅ بل هیواد حق د مداخلې نه لري او نه مداخله کوي.»

ادعا کوونکو همدراز ویلي چې په لیک کې د پاکستان بله غوښتنه دا وه چې د افغانستان حکومت دې خپل مطبوعات د پاکستان خلاف له تبلیغاتو او د منفي مسایلو له مطرح کولو راوګرځوي.

خو ولسمشر غني دا خبره هم رد کړه، ویې ویل:«د افغانستان مطبوعات! تاسي څه فکر کوئ چې زه تاسي ته ویلی شم چې زما تعریف وکړئ، څه پاتې شوه چې د پاکستان تعریف به وکړئ، تاسي یو واري له ځان سره قاضي سئ، ازادي راډیو به کومه ورځ دې حکومت ته ښه ووايي که موږ خراب عمل وکړو؟!»

ده په خپلو خبرو کې د افغانستان له لارې پاکستان او هندوستان ته د ترکمنستان د ګازو د پروژې یا ټاپي د امنیت په اړه وویل چې د دغه پایپ لاین د امنیت لپاره به خاص ځواکونه وروزل شي.

16 total views, 4 views today

3 comments

  1. لالا ، بټنوال Reply

    د افغانستان د ګټو پر خلاف منفي تبليغ خپلې خپې په تبر وهل دي ، په دولت کې د دولت مخالفينو پخوا هغه نيالګي چې ایښي دي هغه اوس په ثمر راغلي اوستره داسې مافيا ترې جوړه شوې چې دولت نشي کولای يوازې لنډه غر ېې مهار کړي ، اوس مونږ د ولسمشر غني ملاتړ يو اود وينې وروستي څاڅکي پورې به وطن اوناموس ساتو

  2. شپون Reply

    دپاکستا حکو مت د کرري په شان مو ږک صفتو سره سرو کار و چې بس لږ پنیر یا پوڅه ورته کېده موږک صیب پرې راپرېده

    .افعاني غرور یې نه و زده،

  3. RAZMOHAMMED KAMAWALL;MY DEAR AFGHAN BROTHER &SISTERS ASSALAMOALIKUM; Reply

    salamualikum to all afghans;afghan national government fallow good policy for the country;
    we have high level academic president,he want to build economy of Afghanistan
    IF YOU SMART ALWAYS THINK POSITIVE ABOUT THIS HONORABLE PRESIDENT.
    MANY AFGHAN WHICH SHARE IN CORRUPTION INCLUDE HAMID KARZAI &HIS TEAM ,WAR LOARDS,DO SABOTAGE AGAINST GOVERNMENT,
    THIS IS DUTY OF HONEST PEOPLES TO DEFENSE FROM GOVERNMENT,NATIONAL POLICE,
    ARMY ,AND DON’T GAVE CHANCE TO NEGATIVE STATEMENT ABOUT GOVERNMENT,
    WE HAVE TO STRONGLY SUPPORT ASHRAF GHANI AND HIS TEAM,BECAUSE THEY
    WORKING HARD FOR THE COUNTRY,THANK YOU
    THANKS FROM TAAND

Leave a Reply

Your email address will not be published. Required fields are marked *